პორტუგალიური "ბენფიკას" საკუთრებაში მყოფი ბრაზილიელი ჰავბეკი ტალისკა, შესაძლოა ინგლისურ პრემიერ ლიგაში იხილოს გულშემატკივარმა. მისით ჟოზე მოურინიოს "მანჩესტერ იუნაიტედი" ინტერესდება.
O Jogo - ის მიერ გავრცელებული ცნობებით, 24 - წლის ტალისკა, რომელიც გასულ სეზონში არენდის წესით თურქულ "ბეშიქთაშში" ასპარეზობდა, "წითელი ეშმაკების" ინტერესთა სფეროში მოხვდა. ედ ვუდვორდი პორტუგალიურ კლუბს, ფეხბურთელის სანაცვლოდ 40 - მილიონ ევროს შესთავაზებს.
გასულ სეზონში ფეხბურთელმა თურქული კლუბის მაისურით სუპერლიგაში 33 - მატჩი ჩაატარა, საკუთარ აქტივს კი 14 - გოლი და 9 - საგოლე გადაცემა შემატა.
შეგახსენებთ, რომ "იუნაიტედმა" მომავალი სეზონისთვის შემადგენლობის გაძლიერება უკვე დაიწყო, "ოლდ ტრაფორდს" ორი ახალი ფეხბურთელი შეუერთდა. "პორტოდან" კლუბმა სათამაშო ამპლუით მარჯვენა მცველი დიოგო დალო, ხოლო უკრაინული "შახტარიდან" ბრაზილიელი ნახევარმცველი ფრედი დაიმატა.