"მანჩესტერ იუნაიტედმა" ბრაზილიელი ფრედის შემდეგ, მეორე ფეხბურთელი დაიმატა და ახლა უკვე ოფიციალურად: "პორტუს" ყოფილი 19 - წლის მარჯვენა მცველი დიოგო დალო "იუნაიტედის" ღირსებას დაიცავს.
"წითელი ეშმაკები" მოხარული არიან გაცნობოთ ინფორმაცია იმის შესახებ, რომ პორტუგალიელი ახალგაზრდა მარჯვენა მცვლი დიოგო დალო მომავალი სეზონიდან "ოლდ ტრაფორდზე" იასპარეზებს. ფეხბურთელმა ხუთწლიან კონტრაქტს მოაწერა ხელი ერთი წლით ავტომატურად გაგრძელების ქვეპუნქტით. - ნათქვამია კლუბის ოფიციალურ ვებ - საიტზე.
დიოგო პორტუგალიური "პორტუ" - ს აღზრდილია. მისი დებიუტი პიველ გუნდში წლევანდელ სეზონში შედგა. ის ასევე პორტუგალიის 21 - წლამდელთა ნაკრების წევრიც გახლავთ.
ტრანსფერის გამოცხადების შემდეგ ჟოზე მოურინიომ განაცხადა: "დიოგო ტალანტური ახალგაზრდა ფეხბურთელია, მას აქვს ყველა საჭირო თვისება გახდეს დიდი ფეხბურთელი "მანჩესტერ იუნაიტედისთვის", ყველაფერი აქვს რაც მცველს სჭირდება: ფიზიკურობა, ტაქტიკური ინტელექტი, ტექნიკა რომელიც შეეფერება "პორტუს" აკადემიის აღზრდილ ფეხბურთელს, აკადემია რომელიც ამზადებს საკუთარ ფეხბურთელებს მაღალ დონეზე.
თავის ასაკობრივ ჯგუფში ის საუკეთესო მცველია ევროპაში, ჩვენ ყველას გვჯერა, რომ მას "იუნაიტედში" ძალიან დიდი მომავალი ელოდება". - განაცხადა დასასრულს მოურინიომ
ტრანსფერის შემდეგ, პირველი კომენტარი თავად ფეხბურთელმაც გააკეთა, რომელსაც ქვემოთ შემოგთავაზებთ.
"იუნაიტედში" თამაში - ეს ჩემთვის დაუჯერებელი შანსია! "პორტუს" აკადემიაში გავიზარდე, ყველაფრისთვის დიდი მადლობა მინდა გადავუხადო მათ, იმ ყველაფრისთვის რასაც ისინი ჩემთვის აკეთებდნენ. მაგრამ ამასთანავე მინდა განვაცხადო, რომ ვერ გავუშვებდი ხელიდან იმ შანსს, გადავსულიყავი მსოფლიოს ყველაზე მასშტაბურ გუნდში.
აღფრთოვანებული ვარ, ვიმუშავო ისეთ მწვრთნელთან ერთად როგორიც ჟოზე მოურინიოა, ვისწავლო მისგან. ველოდები ასევე იმ შესანიშნავ მომენტს როდესაც, "იუნაიტედის" ფანტასტიკურ ფეხბურთელებთან ერთად გავალ მოედანზე". - განაცხადა მიწურულს "ოლდ ტრაფორდის" ახალწვეულმა.