"მანჩესტერ იუნაიტედის" პორტუგალიელი თავკაცი ჟოზე მოურინიო, როგორც ჩანს დროს ტყუილუბრალოდ არ კარგავს და სატრანსფერო სამიზნეებს სპეციალისტი თავად მეთვალყურეობს.
"განსაკუთრებული" გუშინ გამართულ ამხანაგურ შეხვედრას დაესწრო. ერთმანეთს "ავსტრია - რუსეთი" უპირისპირდებოდნენ. მატჩი ავსტრიელთა გამარჯვებით, მინიმალური ანგარიშით 1-0 დასრულდა.
როგორც ცნობილი ჟურნალისტი ჯანლუკა დი მარციო იტყობინება, "წითელი ეშმაკების" მენტორი რამოდენიმე ფეხბურთელს აკვირდებოდა.
ჟოზეს ყურადღების ცენტრში სამი ფეხბურთელი იმყოფებოდა: რუსეთის ნაკრების ორი წევრი - ალექსანდრ გოლოვინი და ფიოდორ სმოლოვი, ხოლო ავსტრილთაგან ის თავდამსხმელ მარკო არნაუტოვიჩს უთვალთვალებდა.
პრესაში აქამდე გაჟღერდა ინფორმაცია, რომ ავსტრიელების შემტევი, არნაუტოვიჩი ზაფხულის სატრანსფერო ფანჯარაზე შესაძლოა გულშემატკივარმა "ოლდ ტრაფორდზე" იხილოს.