პორტუგალიელი სპეციალისტი მომავალ სეზონში "იუნაიტედის" ახალ კაპიტანს აირჩევს.
პორტუგალიელი სპეციალისტი ჟოზე მოურინიო, მომავალ სეზონში "მანჩესტერ იუნაიტედის" ახალ კაპიტანს აირჩევს. გავრცელებული ჭორების თანახმად კი ჟოზეს კაპიტნის არჩევის რამდენიმე ვარიანტი აქვს, რომელსაც ამ სტატიაში გაგაცნობთ.
მოგეხსენებათ რომ "იუნაიტედის" ლეგენდამ და კაპიტანმა, უეინ რუნიმ გუნდი 2017/18 წლის სეზონის დასაწყისში, სუპერ თასის შეხვედრამდე დატოვა და სათამაშოდ "ევერტონში" გადავიდა. ეს კი ნიშნავდა იმას რომ "იუნაიტედი" კაპიტნის გარეშე რჩებოდა, ჟოზემ გადაწყვიტა რომ კაპიტნის სამკლაური მაიკლ კერიკისთვის ენდო, რომელიც მანამდე ვიცე-კაპიტნის როლს ირგებდა. თუმცაღა მაიკლს ბევრი სათამაშო დრო არ ეძლეოდა და კაპიტნები ხშირად იცვლებოდნენ რიგ თამაშებში. გარდა ამისა მაიკლ კერიკი კარიერას ასრულებს და გუნდი უკაპიტნოდ რჩება.
ჭორების თანახმად ინგლისის გრანდის მწვრთნელს ამჟამად გუნდის კაპიტნის სამკლაურის მისანიჭებლად რამდენიმე ფეხბურთელი ყავს კანდიდანტად, ესენი არიან: ანტონიო ვალენსია, ნემანია მატიჩი და დევიდ დე ხეა.
ანტონიო ვალენსიაეკვადორელი ფეხბურთელი "წითელი ეშმაკების" რიგებში 2009 წლის, 1 ივლისს ჩაეწერა. მანამდე კი ანტონიო "უიგან ატლეტიკსში" თამაშობდა, უფრო ადრე "ვილიარეალში" ესპანეთში, ხოლო ესპანეთამდე ეკვადორულ გუნდში. მისი თასების გალერია შემდეგნაირად გამოიყურება: 2 პრემიერ ლიგა, 1 ფა თასი, 3 ქომუნითი შილდი, 2 ინგლისის ლიგის თასი, 1 21-წლამდელთა პრემიერ ლიგა, 1 ევროპა ლიგა.
თავდაპირველად სამხრეთ ამერიკელი სერ ალექსმა შეიძინა იმ იმედით რომ ანტონიო გუნდს ვინგერად გამოადგებოდა. ასეც მოხდა და ანტონიომ თამაში შემტევ გარემარბად დაიწყო, თუმცა გარკვეული დროის გასვლის შემდგომ, ლუის ვან გაალმა და ჟოზე მოურინიონ მას სათამაშო სტილი შეუცვალეს და ამჟამად მისი მთავარი პოზიცია ფლანგის მცველია. მისი სატრანსფერო ღირებულება ამჟამად 10 მილიონ ევროს შეადგენს. კონტრაქტი კი "იუნაიტედში" ვალენსიას 2019 წელს ეწურება.
ნემანია მატიჩისერბი ცენტრალური ნახევარმცველი "მანჩესტერ იუნაიტედს" ამ სეზონში შეუერთდა. მანამდე ის "წითელი ეშმაკების" კონკურენტ გუნდში ასპარეზობდა, კერძოდ ლონდონის "ჩელსიში". ჯერჯერობით სერბს "იუნაიტედთან" ერთად არცერთი ტიტული არ აქვს მოგებული თუმცა არსებობს პოტენციალი რომ ამ სეზონში სერბმა ინგლისის ფა თასი მოიგოს, რომელიც მან 2010 წელს "ჩელსისთან" ერთად მოიგო.
სერბის ტრანსფერში უდიდესი მონაწილეობა მიიღო გუნდის თავკაცმა ჟოზე მოურინიომ. პორტუგალიელი სპეციალისტი "მანჩესტერ იუნაიტედში" მოსვლამდე მოგეხსენებათ, რომ "ჩელსის" თავკაცი გახლდათ, შესაბამისად იგი ნემანიას უკვე იცნობდა და კარგი ურთიერთობა ჰქონდათ. ასე რომ ნემანია ბევრი ფიქრის გარეშე შეუერთდა მსოფლიოს ერთ-ერთ საუკეთესო გუნდს.
დევიდ დე ხეაგენიალური ესპანელი მეკარე, დევიდ დე ხეა "იუნაიტედს" 2011/12 სეზონში შეუერთდა, ჯერ კიდევ სერ ალექს ფერგიუსონის დროს. თავდაპირველად დევიდი ნამდვილად უსუსური იყო "იუნაიტედში", უშვებდა უამრავ შეცდომას რაც გუნდს საბოლოოდ ძვირად უჯდებოდა. თუმცა ფერგიუსონმა ერთ-ერთ ინტერვიუში თქვა რომ დე ხეას უდიდესი მომავალი ელოდა.
შოტლანდიელი ლეგენდის სიტყვები გამართლდა და ესპანელმა ლუის ვან გაალის მოსვლის შემდეგ ტიტანური პროგრესი განიცადა და მსოფლიოს საუკეთესო თუ არა, ერთერთი საუკეთესო მეკარე მაინც არის დღესდღეობით.
დევიდს 2015/16 წელს თითქოს გადაწყვეტილი ქონდა ესპანეთში დაბრუნება, ოღონდ არა "ატლეტიკო მადრიდში", არამედ მადრიდის "რეალში" ეპატიჟებოდნენ. თუმცაღა ვან გაალმა ტრანსფერი სასწაულებრივად ჩაშალა და მას შემდეგ დევიდს გუნდის დატოვების სურვილი აღარ გამოუთქვია.