პრემიერ ლიგაში დამაჯერებლად მოპოვებული სამი ქულის შემდეგ "წითელ ეშმაკებს" მეტად მნიშვნელოვანი დაპირისპირება ელით. თბილისის დროით 20:15 სთ - ზე, ჟოზე მოურინიოს "იუნაიტედი" ინგლისი ასოციაციის თასის ნახევარფინალში "უემბლიზე" მაურისიო პოჩეტინოს "ტოტენჰემს" დაუპირისპირდება. სწორედ დღეს გამოვლინდება აღნიშნული ტურნირის პირველი ფინალისტის ვინაობა.

ორი გუნდის პრემიერლიგურ მონაგარს თუ გადავხედავთ, მარტივად შეიძლება ითქვას, რომ "მანჩესტერ იუნაიტედმა" ოთხეულში ადგილი თითქმის უკვე გაინაღდა, მოურინიოს შეგირდები 74 ქულით მეორე ადგილს თამამად იკავებენ, ხოლო მეხუთე ადგილოსან "ჩელსისთან" დაშორება 11 ქულას შეადგენს, რაც ნიშნავს იმას, რომ საკმარისია მოპოვებული 3 ქულაც და "იუნაიტედმა" დარჩენილ ტურებში შეხვედრები რომც დათმოს ავტომატურად ოთხეულში ადგილს მაინც დაიკავებს.

სხვაგვარია "ტოტენჰემის" მდგომარეობა, "დეზები" მართალია მეოთხე ადგილზე არიან განთესილნი თუმცა მდევარ "არისტოკრატებთან" ჩამორჩენა არცთუისე დიდია. წინა ტური პოჩეტინოს შეგირდებმა ჩააგდეს, გასვლაზე "ბრაიტონთან" ქულას დაჯერდნენ და ლონდონელებს საშუალება მისცეს სხვაობა 5 ქულამდე დაეყვანათ. წინ კიდევ 4 ტური დარჩა რაც ვერ იძლევა იმის გარანტიას, რომ "ტოტენჰემი" ოთხზეულში აუცილებლად მოხვდება.

თუმცა ორივე გუნდის სატურნირო მდგომარეობებს რომ არ შევხედოთ, თამამად შეიძლება ითქვას, რომ უტიტულოდ სეზონის დასრულება არცერთ გუნდს არ სურს, ვინაიდან და რადგანაც გუნდებმა ადრეულად დაამთავრეს ჩემპიონთა ლიგისთვის ბრძოლა, ხოლო პრემიერ ლიგის მოგება არავის დაუთმო "სიტიმ" და გასულ ტურში ოფიციალურად გაინაღდა ჩემპიონობა, "ქალაქელებმა" ასევე ინგლისის ლიგის თასი მოიპოვეს, დარჩა მხოლოდ "ასოციაციის თასი" სადაც ოთხი გუნდი იასპარეზებს. მეორე წყვილს კი "ჩელსი" "საუთჰემპტონი" შეადგენს. ყველაფრიდან გამომდინარე შეიძლება ითქვას, რომ წინ დაძაბული შეხვედრები გველოდება.

"იუნაიტედი" - "ტოტენჰემის" მატჩს მთავარი არბიტრი: ენტონი ტეილორი განსჯის.

რაც შეეხება "იუნაიტედის" ტრავმირებულ ფეხბურთელებს, "წითლებს" ლაზარეთში მხოლოდ სათადარიგო მეკარე სერხიო რომერო ჰყავთ. ხოლო დანარჩენი შემადგენლობა სრულ მზადყოფნაშია.

აღსანიშნავია ის ფაქტიც რომ აღნიშნულ ტურნირზე "მანჩესტერ იუნაიტედს" ამ სეზონში საკუთარ კარში მიღებული გოლი ჯერ არ აქვს. ვნახოთ შეძლებენ თუ არა "ოლდ ტაფორდელები" ამ მატჩშიც კარის მშრალად შენახვას და წარმატების მიღწევას.

რომელ პოზიციაზე სჭირდება გუნდს ყველაზე მეტად გაძლიერება?

დაცვა

ნახევარდაცვა

თავდასხმა

სხვა

ხმის მიცემა შედეგები