პორტუგალიელს პოგბას შენარჩუნება აუცილებლად არ მიაჩნია.
ჟოზე მოურინიო მომდევნო ზაფხულს პოლ პოგბას "მანჩესტერ იუნაიტედის" დატოვების საშუალებას მისცემს.
მოურინიომ კლუბის რეკორდული შენაძენისადმი მოთმინება დაკარგა და პოგბა გასაყიდ ფეხბურთელთა სიაში შეიყვანა.
"ოლდ ტრაფორდიდან" პოგბას წასვლის საკითხი კიდევ უფრო აქტუალური გახდა 11 დღის წინ, როცა გვარდიოლამ განაცხადა, რომ ფრანგი ფეხბურთელი მის გუნდსაც შესთავაზეს იანვარში.
პოგბასა და მოურინიოს ურთიერთობა დიდი ხნის დავის საგანია და 25 წლის ფეხბურთელით უკმაყოფილებას ისიც ადასტურებს, რომ კვირას მან კვლავ დროზე ადრე დატოვა "ვესტ ბრომვიჩთან" მატჩი.
ბოლო პერიოდში ფრანგი ხშირად რჩება სათადარიგოთა სკამზე, ან შეცვლაზე გადის, რასაც ნამდვილად არ ისურვებდა "იუნაიტედი", როცა 2016 წელს ედ ვუდვორდმა "იუვენტუსიდან" მის დაბრუნებას გაუწია ორგანიზება.
მაგრამ პოგბა ჯერ კიდევ ვერ ახერხებს მოურინიოს სისტემაში სრულად მორგებას და ვერ ატარებს კარგ შეხვედრებს.
უცნობია, იქნება თუ არა პრემიერ ლიგის მომდევნო ტურში "იუნაიტედის" ძირითად შემადგენლობაში, რომ არაფერი ვთქვათ ამ დროისთვის სეზონის ყველაზე მნიშვნელოვან მატჩში ინგლისის თასის ნახევარფინალში.
მოურინიომ ყველა ფეხბურთელი გააფრთხილა, რომ შემადგენლობის შერჩევისას მხოლოდ თამაშის დონეს დაეყრდნობა და არა ხელფასებს ან სატრანსფერო ღირებულებებს.
წყარო:
dailymail