ინგლისის პროფესიონალ ფეხბურთელთა ასოციაციამ იმ მოთამაშეთა სია გამოაქვეყნა, რომლებიც პრემიერ ლიგის სეზონის საუკეთესო ფეხბურთელის წოდებისთვის იბრძოლებენ.
დავიდ დე ხეა სეზონის საუკეთესო ფეხბურთელის, ხოლო მარკუს რეშფორდი პრემიერ ლიგის სეზონის საუკეთესო ახალგაზრდა ფეხბურთელის ნომინაციაზე წარადგინეს.
ესპანელ ფეხბურთელთან ერთად ამ ჯილდოსთვის ჰარი კეინი, მოჰამედ სალაჰი, კევინ დე ბრუინი, ლეროი სანე და დავიდ სილვა იბრძოლებენ. მარკუს რეშფორდის მეტოქეები კი ედერსონ მორაეში, რაიან სესენიონი, ლეროი სანე, რაჰიმ სტერლინგი, ჰარი კეინი იქნებიან.
უკანასკნელი მეკარე, ვინც პრემიერ ლიგის წლის საუკეთესო ფეხბურთელად დასახელდა, პიტერ შილტონი იყო და მან პრიზი 1977/78 წლებში მოიგო. "იუნაიტედის" უკანასკნელი ფეხბურთელი კი უეინ რუნი გახდა, რომელმაც პრიზი 2009/10 წლების სეზონში მოიპოვა. იგივე პრიზი რობინ ვან პერსისაც აქვს მოპოვებული, თუმცა მაშინ "არსენალში" უკანასკნელ სეზონს ატარებდა და მხოლოდ ამის შემდეგ შეუერთდა "იუნაიტედს".
"მანჩესტერ იუნაიტედის" ბოლო მოთამაშე, რომელმაც საუკეთესო ახალგაზრდა ფეხბურთელის წოდება მოიპოვა კრიშტიანუ რონალდუა. პორტუგალიელმა ეს 2007 წელს მოახერხა.
აღსანიშნავია, რომ პრემიერ ლიგის ისტორიაში ესპანელ ფეხბურთელს არასდროს მოუპოვებია წლის საუკეთესო ფეხბურთელის პრიზი.