ნებისმიერ კამათში, თუ ვინ არის მსოფლიოს საუკეთესო მეკარე ამჟამად, დავიდ დე ხეა პირველია, ვინც მოგაგონდებათ.
წარმოუდეგენელმა ესპანელმა უკვე დიდი ხანია დაისაკუთრა "მანჩესტერ იუნაიტედის" პირველი მეკარის სტატუსი და ასევე გაიმყარა თავისი მდგომარეობა ესპანეთის ნაკრებშიც, რომლის კარსაც რუსეთში გასამართ მსოფლიო ჩემპიონატზე დაიცავს.
ისინიც კი, ვინც "იუნაიტედს" არ ქომაგობს, რთულად უარყოფენ, რომ დე ხეა ამჟამად თავისი საქმის საუკეთესო შემსრულებელია და თუ ამას ვინმე უარყოფს, მაშინ მათთვის ესპანელის უმაღლესი კლასის სეივები მოამზადეთ.
უკვე გაგვითავდა მეტაფორები იმისათვის, რომ აღვწეროთ დე ხეა, რომელმაც თებერვალში "იუნაიტედის" საუკეთესო ფეხბურთელის ჯილდო მოიგო, ამ სეზონში კი პრემიერ ლიგის მეკარის ჯილდოს მოგებას ესწრაფვის - ოქროს ხელთათმანი ყველაზე მეტჯერ მშრალად შენახული კარისთვის.
"წითლების" გმირმა აღნიშნა, რომ მას თავადაც ძალიან სურს ამ ჯილდოს მიღება და საკვირველია, რომ პრიზი, რომელიც 2004/05 წლების სეზონიდან არსებობს, დავიდს არასდროს გადაცემია.
დე ხეა ამჟამად სწორედ მიზნის მიღწევისკენ ისწრაფვის და ლიდერობს სიას, რომელიც სეზონის ბოლომდე დაძაბული ბრძოლით მიმდინარეობს, მისი ამჟამინდელი მდგომარეობა კი ასეთია.