ბოლო დროს, პრესის ერთ-ერთი მთავარი აქტიური სალაპარაკო თემა, ჟოზე მოურინიოსა და პოლ პოგბას შორის არსებული დაძაბული ურთიერთობაა. სწორედ ამის ფონზე ფრანგმა ფეხბურთელმა "იუნაიტედის" რიგებში ძირითადი ადგილი დაკარგა და სათადარიგო სკამზე გადაინაცვლა.
ამის შესახებ, ლეგენდარულმა თავდამსხმელმა დიდიე დროგბამ ისაუბრა, და ჟურნალისტებისთვის მიცემულ ინტერვიუში განაცხადა, რომ მოურინიოს პოგბა ძალიან უყვარს.
"ჩვენი ურთიერთობა მოურინიოსთან არ იყო იდეალური, მიუხედავად ამისა ჟოზე მოურინიო არასდროს უტევს იმ ფეხბურთელებს ვინც მას არ მოსწონს. მას პოლ პოგბა ძალიან უყვარს. სწორედ ამიტომ, ჟოზე მოურინიო პოგბას ამხელა პასუხისმგებლობას აძლევს".- ციტირებს დროგბას სიტყვებს Telefoot.
შეგახსენებთ, დიდიე დროგბა მოურინიოსთან მუშაობის გამოცდილებითაც გამოირჩევა, მან პორტუგალიელ სპეციალისტთან ერთად ინგლისის ჩემპიონატის სამჯერ მოგება მოახერხა.