ჟოზე მოურინიო ზაფხულში დიდი თანხის დახარჯვას აპირებს, პოლ პოგბა კი 200 მილიონი ფუნტის ტრანსფერით მის სატრანსფერო ბიუჯეტს შეავსებს, რათა შემდეგ პორტუგალიელმა მადრიდის "რეალის", "პარი სენ-ჟერმენისა" და "იუვენტუსის" ფეხბურთელების შეძენა სცადოს.

"ოლდ ტრაფორდის" მკვიდრთა მწვრთნელმა უკვე დაკარგა მოთმინება და არც "მანჩესტერ იუნაიტედის" ფეხბურთელები არიან კმაყოფილი იმით, რომ ფრანგი უფრო მეტად არის კონცენტრირებული თავის იმიჯზე, ვიდრე ფეხბურთზე.

"იუნაიტედის" შემადგენლობაში ჯერ კიდევ ირიცხებიან ისეთი ფეხბურთელები, რომლებიც სერ ალექს ფერგიუსონის დროს ირიცხებოდნენ "ოლდ ტრაფორდზე", პოგბა კი ერთ-ერთი მათგანია და მას მოსთხოვენ, რომ უფრო ნაკლებად მოეკიდოს მედია აქტიურობას და იმუშაოს უმაღლეს დონეზე თამაშზე, რაც ნამდვილად შეუძლია.

მოურინიოს მიზნად აქვს დასახული მომდევნო სეზონში მინიმუმ ერთი დიდი ტიტულის მოგება და ამისთვის იგი 4 სუპერვარსკვლავის დამატებას აპირებს - პოგბას კი საშუალებად გამოიყენებს.

ფრანგი ცენტრალური მცველი ვარანი - რომელსაც "რეალი" 70 მლნ. ფუნტად აფასებს - მოურინიოს სასურველი სატრანსფერო სამიზნეა 2013 წლიდან, როცა ჟოზემ მადრიდი დატოვა.

მსოფლიო ჩემპიონი ტონი კროოსი ასევე მოხვდა მოურინიოს სასურველ ფეხბურთელთა სიაში. მოურინიოს სურს, რომ ვიღაც მართავდეს "იუნაიტედის" ნახევარდაცვას და მისი აზრით, კროოსი ამისთვის იდეალური ვარიანტია - მისი ღირებულება კი 100 მლნ. ფუნტი გახლავთ.

დაცვის გაძლიერებაში კი მოურინიოს გეგმები დამყარებული იქნება პსჟ-ს დუეტ მარკინიოსსა და მარკო ვერატიზე, რომელთაც ასევე "იუვენტუსიდან" ალექსის სანდრო შეუერთდება.

"რეალის" მწვრთნელ ზინედინ ზიდანს პოგბა ძალიან მოსწონს, მაგრამ "იუნაიტედიდან" დავიდ დე ხეას გადაბირებას ამჯობინებს.

უკეთესი წყვილი იქნება პოგბა და პსჟ - მოურინიო სწორედ ამ ვარიანტის გამოყენებას აპირებს თავისი მიზნების განსახორციელებლად.

წყარო: mirror