ინგლისური "პრემიერ ლიგის" ეგიდით ჩატარებულ 30 მატჩში "იუნაიტედმა" "სიტის" შემდეგ ყველაზე ცოტა, ოცდასამი გოლი მიიღო საკუთარ კარში, მაგრამ პრობლემები დაცვის ხაზში აშკარა და თვალშისაცემია.
სხვადასხვა დროს მიღებული ტრამვების გამო, გუნდს გარკვეული პერიოდით აკლდებოდნენ როგორც მარკოს როხო, ერიკ ბაილი და ფილ ჯონსი, რომელიც ახლაც ლაზარეთში რჩება.
"განსაკუთრებულმა" "სევილიასთან მარცხამდეც განაცხადა, რომ კლუბი ზაფხულში ნახევარმცველების გარდა მცველების შეძენასაც ეცდებოდა. თუ აქამდე წასვლის პირველ პრეტენდენტებად ფლანგელები, ლუკ შოუ და მატეო დარმიანი ითვლებოდნენ, პრესა აქტიურად წერს კრის სმოლინგისა და ფილ ჯონსის მომავალზე, მათი საკუთარი გუნდის რიგებში ხილვა არსენ ვენგერს ( "არსენალი" ) და სემ ელარდაისს ( "ევერტონი" ) სურთ.
სხვა და სხვა ფეზბურთელების გვარები სახელდება პოტენციურ ახალწვეულებშიც, თუ აქამდე ტობი ალდერვეირელდისა და რაფაელ ვარანის კანდიდატურები ყველაზე პოპულარულად ითვლებოდა, ბრიტანული "the sun"- ის ვერსიით მანჩესტერული გუნდები ჯერომ ბოატენგის შეძენით არიან დაინტერესებული, რომელიც თავის მხრივ კლუბშიც და ნაკრებშიც მატს ჰუმელსის მეწყვილეა და მსოფლიო ჩემპიონის ტიტულის დასაცავად ემზადება.