ზაფხულის სატრანსფერო ფანჯარა თანდათან უფრო ახლოვდება. გუნდები მაქსიმალურად ცდილობენ, საკუთარი მიზნები აქედანვე დასახონ და ამ მიზნებს, რეალიზება ზაფხულის სატრანსფერო ფანჯრის გახსნისთანავე გაუწიონ.
ინგლისური გრანდი "მანჩესტერ იუნაიტედი" ედ ვუდვორდისა და ჟოზე მოურინიოს თაოსნობით, ზაფხულში გუნდისთვის რამოდენიმე მნიშვნელოვან ფეხბურთელს შეიძენს. მოსალოდნელ ცვლილებებზე საუბრობს "წითლების" ბელგიელი თავდამსხმელი რომელუ ლუკაკუ, რომელიც ჟურნალისტებისთვის მიცემულ ინტერვიუში აცხადებს, რომ ჟოზე მოურინიოს გუნდი ზაფხულში აუცილებლად გაძლიერდება.
"ისეთი გუნდი როგორიც "მანჩესტერ იუნაიტედს" ყავს, ყოველწლიურად უნდა გაძლიერდეს და წინ წავიდეს. მომავალ ზაფხულში, შემადგენლობა მნიშვნელოვნად გაძლიერდება, გუნდში ძლიერი ფეხბურთელები მოვლენ. ამას ველოდები არა მხოლოდ მე არამედ გუნდის მთავარი მწვრთნელიც.
ამ ნაბიჯის გადადგმა აუცილებელია, რადგან "მანჩესტერ იუნაიტედმა" მომავალ სეზონში მნიშვნელოვან წარმატებებს მიაღწიოს და ყველა შესაძლო ტიტულისთვის ბრძოლა შეეძლოს".- ციტირებს Goal რომელუ ლუკაკუს სიტყვებს.