ინგლისის ჩემპიონატს "მანჩესტერ სიტი" ერთპიროვნულად ლიდერობს. მეორეადგილოსან "იუნაიტედთან" სხვაობა კი 16 ქულას შეადგენს. გვარდიოლას გუნდის უპირატესობა მართლაც, რომ დიდია. თუმცა სხვა სიტუაციაა "წითლების" ბანაკში მოტივაციის თვალსაზრისით.
ჟოზე მოურინიოს ესპანელი შეგირდი ხუან მატა პრემიერ ლიგის მოგების იმედს არ კარგავს და აცხადებს, რომ "იუნაიტედი" საჩემპიონო ბრძოლაში ბოლომდე დაიხარჯება, მანამ სანამ ამის მათემატიკური შანსი იარსებებს.
"ჩვენ ინგლისის ჩემპიონატში პირველ ადგილზე გასვლა გვსურს. ჩვენი მთავარი მიზანი თითოეულ ჩასატარებელ მატჩში გამარჯვების მიღწევა იქნება, ხოლო მაისში უკვე შევხედავთ, თუ რომელ ადგილზე ვიქნებით ამ შემთხვევაში. ჩვენი მოტივაცია ასეთია, ჩვენ ეს მოტივაცია მწვრთნელმა შთაგვაგონა.
"იუნაიტედი" იმედს არ კარგავს, ჩვენ ქულების მაქსიმუმის გამომუშავებას შევეცდებით. "ჩელსისთან" მატჩმა კიდევ ერთხელ დაამტკიცა, რომ არასდროს ვნებდებით. ეს შეხვედრა უკვე წარსულია, მომავალი კი "კრისტალ პალასია" სადაც გამარჯვებისთვის ვიბრძოლებთ".- ციტირებს Sky Sports.