ლუი ვან გაალის საუკეთესო შენაძენი ენტონი მარსიალი, რომელმაც მასში გადახდილი კოლოსალური თანხის გამართლება სადებიუტო შეხვედრიდანვე დაიწყო, ახალი კონტრაქტის გაფორმებას არ ჩქარობს.

ფრანგმა შემტევმა სეზონი იდეალურად დაიწყო, განურჩევლად იმისა იყო თუ არა ის ძირითად შემადგენლობაში, ფაქტიურად გოლისა და საგოლე გადაცემის გარეშე არ ტოვებდა ბრიტანულ მოედნებს.

სიტუაცია შეიცვალა ალექსის სანჩესის ტრანსფერის შემდეგ, რომელმაც დაიკავა ''იუნაიტედის'' შეტევის მარცხენა ფლანგი და მარსიალი საპირისპირო მხარეს გადაამისამართა. ავტომატურად მოიკლო ენტონის შედეგიანობამ. მიუხედავად ამისა კლუბმა ფეხბურთელის აგენტს ახალი, გაუმჯობესებული კონტრაქტი შეთავაზა, მაგრამ მოლაპარაკებებმა წინ ვერ წაიწია და თუ ''არემსი სპორტსის'' მიერ გავრცელებულ ინფორმაციას ვენდობით, მოლაპარაკებები ჩიხშია.

შეგახსენებთ ენტონი მარსიალის გადაბირებით სხვა და სხვა დროს დაინტერესებული იყვნენ მილანის ''ინტერი'', მადრიდის ''რეალი'' და ლონდონის ''არსენალი''

ენტონი მარსიალის ანგარიშზე ''პრემიერ ლიგის'' მიმდინარე გათამაშებაში 9 გატანილი გოლი და 4 საგოლე გადაცემაა.



წყარო: rmcsport.bfmtv.com