"მანაჩესტერ იუნაიტედის" მთავარმა მწვრთნელმა ჟოზე მოურინიომ დაადასტურა, რომ პრემიერ ლიგის ეგიდით "ჩელსისთან" გასამართი მატჩისთვის ანდერ ერერა მზად არ არის.
ესპანელმა ფეხბურთელმა UEFA-ს ჩემპიონთა ლიგაზე "სევილიასთან" მატჩში მიიღო ტრავმა და მისი შეცვლა გახდა საჭირო.
მისი ტრავმის სერიოზულობა ჯერ კიდევ დასაზუსტებელია და მიუხედავად იმისა, რომ მწვრთნელმა არ იცის, თუ ზუსტად რამდენი ხანი იუქმებს ერერა, მწვრთნელი ადასტურებს, რომ მომდევნო შეხვედრაში მისი სამსახურით ვერ ისარგებლებს.
"ანდერი არ იქნება. საბოლოო დიაგნოზი არ ვიცი, მაგრამ ვიცი, რომ რამდენიმე კვირა არ იქნება. არ ვიცი, რამდენია ეს რამდენიმე - ორი, სამი, ოთხი, ხუთი თუ ექვსი - არ ვიცი, მაგრამ რამდენიმე ნამდვილადაა. ტრავმამოშუშებულებს რაც შეეხება - არავინაა ასეთი", - განაცხადა მწვრთნელმა.
ჟოზეს სიტყვების თანახმად, არცერთი ტრავმირებული ფეხბურთელი არ გამოჯანმრთელებულა, ანუ ფილ ჯონსი, მარკოს როხო, მარუან ფელაინი და ზლატან იბრაჰიმოვიჩი კვლავ აგრძელებენ მკურნალობას.