მოურინიომ მატჩის შემდეგ კომენტარი გააკეთა.
UEFA-ს ჩემპიონთა ლიგაზე "სევილიასთან" ფრედ დასრულებული მატჩის შემდეგ ჟოზე მოურინიომ განაცხადა, რომ ყველაფერი საპასუხო შეხვედრაში გადაწყდება.
"წითლებმა" მერვედფინალურ ეტაპზე ესპანეთში გამართული მატჩი უგოლო ფრით დაასრულეს, მაგრამ ამაში უდიდესი წვლილი შეიტანა დავიდ დე ხეას გმირობებმა.
ეს ანგარიში კი წყვილში ყველაფერს გაურკვეველს ტოვებს და გამარჯვებულის ვინაობა 13 მარტამდე არ იქნება ცნობილი.
მანამდე კი მატჩის შემდეგ მოურინიოს მიერ სხვადასხვა საკითხებზე გაკეთებული კომენტარი წაიკითხეთ..
შედეგისა და თამაშის შესახებ"ვფიქრობ, ერთადერთი მომენტი, როცა თავი უძლურად წარმოვაჩინეთ, პირველი ტაიმის ბოლო რამდენიმე წუთი იყო, როცა რამდენიმე პოზიციური შეცდომა დავუშვით და ისინი კარგ სიტუაციაში აღმოჩნდნენ, მაგრამ დავიდმა ორი დიდებული სეივი განახორციელა და ამის შემდეგ სტადიონს ის ფანტასტიკური ემოცია გადაეცა, რასაც 90 წუთის განმავლობაში ჩვეულებრივ განიცდიან. ამ მომენტის გარდა სხვა დროს არ ავღელებულვარ. მატჩიც ასეთი იყო. სტატისტიკა არის ის, რაც არის. ზოგჯერ შეიძლება 15-ჯერ დაარტყა კარში, მაგრამ 13 მათგანი მხოლოდ "სტატისტიკისთვის განკუთვნილი" დარტყმა იყოს, როგორც მე ვეძახი. ამიტომაც მგონია, რომ შედეგი ზუსტად ესადაგება თამაშს. მეკითხებით, კარგი შედეგია თუ არა? მე გპასუხობთ, კარგი არ არის, მაგრამ არც ცუდია. ეს ორმატჩიანი დუელია და ყველაფრის გადასაწყვეტად წინ ერთი მატჩია, რომელიც "ოლდ ტრაფორდზე" შედგება. რა თქმა უნდა, "ოლდ ტრაფორდს" ენატრება ჩემპიონთა ლიგის პლეი-ოფები. მართალია, გასულ სეზონში ევროპა ლიგის პლეი-ოფებში ვთამაშობდით, მაგრამ ეს ნამდვილად არ არის ერთი და იგივე. წინა წელს, როგორც ვიცი, ჯგუფურ ეტაპზე გამოვეთიშეთ ტურნირს, ასე რომ, "ოლდ ტრაფორდზე" დიდი საჩემპიონთა ლიგე საღამო გვექნება".
"ოლდ ტრაფორდს" დიდი ევროპული ღამეები ენატრება"მეორე მატჩში შედეგიანი ფრე თუ დაფიქსირდება, გავვარდებით. თუ მოვიგებთ, გავალთ. რთულია. მჯერა, რომ "ოლდ ტრაფორდს" დიდი ევროპული ღამეები ენატრება. წინა წელს მეოთხედფინალი და ნახევარფინალი გვქონდა, მაგრამ ევროპა ლიგას სხვა მნიშვნელობა აქვს."
პოგბამ სტაბილურობა შეგვძინა "ვფიქრობ, პოგბამ დიდი თავდადება გამოიჩინა იმისათვის, რომ გუნდისთვის ის მიეცა, რასაც გუნდისგან ვითხოვ. მე სკოტით და ანდერით დავიწყე. ბანეგა იმიტომ არის ფანტასტიკური ფეხბურთელი, თუმცა არ იყო, რადგან მას არ ჰქონდა სივრცე იმისათვის, რომ ყოფილიყო ის ბანეგა, რომელსაც საფეხბურთო სამყარო ეტრფის და შემდეგ ანდერი პოლმა ჩაანაცვლა. იგი ეცადა, თამაშში იგივე უნარები შეეტანა და ამას დაუმატა ბურთთან მისი მოპყრობა. იმ სათამაშო სტილის, რომელსაც ვაჩვენებდით და ისეთი გუნდის წინააღმდეგ გასვლაზე თამაშის ფონზე ბურთის ფლობის კარგი პროცენტული მაჩვენებელი გვქონდა; ეს კი მატჩის კონტროლს ნიშნავს. ამაზე პასუხისმგებელი პოლი იყო და მე მატიჩის მადლიერიც ვარ. სამი ნახევარმცველი კარგად აკონტროლებდა თამაშს და პოლიც ამის ნაწილი იყო."
დე ხეა არის ის, რაც არის"მშრალი" მატჩი გუნდისა და დავიდის დამსახურებაა. მაგრამ რამდენიმე "მშრალი" მატჩი სერხიო რომეროს მეკარეობის დროსაც ჩავატარეთ, ასე რომ, რამდენიმე შეცდომის დამშვები გუნდიც კი კარგად იცავდა თავს და როცა შეცდომებს ვუშვებდით, იქვე იყო დავიდი. სწორედ ეს არის მიზეზი იმისა, რატომაც არის ის, ვინც არის."
წყარო:
manutd.com