"მანჩესტერ იუნაიტედის" მთავარმა მწვრთნელმა ჟოზე მოურინიომ მედიას აუხსნა, რომ ჩემპიონთა ლიგის მატჩის წინ ღია სავარჯიშო სესია სპეციალურად გამართა.
სავარჯიშო კომპლექსზე მცირე ცვლილებები მოხდა, ვინაიდან კამერებს საშუალება მიეცა, ვარჯიშის ბოლო ნაწილი ობიექტივში მოექაცია.
"დღევანდელი სესია გავასაჯაროვეთ და ასე იმ დროს მოვიქეცი, როცა ჩვეულებრივ არ ვიქცევი ხოლმე. როგორც წესი, სესიაზე ჟურნალისტები მხოლოდ გახურებისა და პირველადი მარტივი პროცედურების დროს დაიშვებიან. ამჯერად კი უფრო დიდხანს მივეცით საშუალება და ბოლოსაც შემოვუშვით, ასე რომ, შეიძლებოდა შეგემჩნიათ, ფეხბურთელები შესანიშნავ მდგომარეობაში იმყოფებიან.
როცა ფეხბურთელი ასეთ კონკურენტუნარიან მდგომარეობაშია, ეს ნიშნავს, რომ მზად არიან და არავითარი პრობლემა არ აქვთ, ამ ვარჯიშზე კი იმ ფეხბურთელებსაც შეამჩნევდით, ვინც "ჰადერსფილდთან" მატჩი გამოტოვეს - პოგბა, ვალენსია, რეშფორდი და ერერა", - განაცხადა მოურინიომ.
ევერ ბანეგა, ხოაკინ კორეა და ლუის მურიელი მასპინძლების დახმარებას შეძლებენ, ხოლო სებასტიან კორჩიას თამაში საეჭვოა.
"მე ყოველთვის ვამბობდი, რომ ჩემპიონთა ლიგაზე ოცნება მეოთხედფინალში იწყება და არა მერვედფინალში. მერვედფინალურ ეტაპზე როცა ხარ, ჯერ კიდევ დიდი გზა გაქვს გასავლელი. როცა გუნდი მეოთხედფინალში გადის, ეს უკვე არის მომენტი, როცა ისეთი გუნდებიც კი, რომლებიც ფავორიტებად არ ითვლებიან - ჩვენ კი ასეთი ვართ - აცნობიერებენ, რომ ყველაფერია შესაძლებელი.
მაგრამ ახლა მხოლოდ ჩვენს ძალიან რთულ მეტოქეზე და ამ ორმატჩიანი დუელიდან ერთ-ერთზე უნდა ვიფიქროთ. ეს მატჩი არაფერს წყვეტს, მაგრამ ძალიან მნიშვნელოვანია."