პოგბამ და იბრაჰიმოვიჩმა თანაგუნდელებთან ერთად ივარჯიშეს.
ჩემპიონთა ლიგის მატჩის წინ პოლ პოგბამ თანაგუნდელებთან ერთად ივარჯიშა.
24 წლის ფეხბურთელმა შაბათს "ჰადერსფილდთან" შეხვედრა ავადმყოფობის გამო გამოტოვა და მისი ადგილი ახალგაზრდა ითენ ჰამილტონმა დაიკავა.
მაგრამ ფრანგი ვარჯიშებს კვირას დაუბრუნდა და დღეს ესპანეთში გამგზავრებამდე რამდენიმე საათით ადრე თანაგუნდელებთან ერთადაც ივარჯიშა, მაგრამ კარგი ამბები აქ არ წყდება.
ჟოზე მოურინიოს გუნდი ანდერ ერერამ, მარკუს რეშფორდმა და ზლატან იბრაჰიმოვიჩმაც შეავსეს.
მათგან ყველაზე მოულოდნელი იყო ზლატანის დაბრუნება, რასაც პორტუგალიელი მწვრთნელიც არ ელოდა, მაგრამ ბოქსინგ დეიზე მიღებული ტრავმის მოშუშების შემდეგ შვედმა ვარჯიში განაახლა.
ბასკმა და ინგლისელმა ნახევარმცველმა კი "იუნაიტედის" ბოლო ორი მატჩი გამოტოვა ტრავმის გამო და ახლა ისინიც საქმეში არიან.
მაგრამ ღია სავარჯიშო სესიაზე არ შეუნიშნავთ ფილ ჯონსი, დეილი ბლინდი, მატეო დარმიანი და მარკოს როხო.
დღევანდელ ვარჯიშზე მყოფთა სრული სია: დე ხეა, რომერო, პერეირა; ვალენსია, შოუ, იანგი, ლინდელიოფი, ბაიი, სმოლინგი; კერიკი, მატიჩი, ერერა, მაკტომინეი, პოგბა, ლინგარდი, მატა; მარსიალი, რეშფორდი, ლუკაკუ, სანჩესი, იბრაჰიმოვიჩი.
წყარო:
M.E.N.