მას შემდეგ რაც მოურინიომ პრესკონფერენციაზე დაადასტურა, რომ გუნდი აუცილებლად შეიძენდა ნახევარმცველს, არტურო ვიდალის შემდეგ გაიჟღერა ვიქტორ ვანიამას გვარმა. დადასტურებული ინფორმაციაა მაიკლ კერიკის საფეხბურთო კარიერის დასრულება, ძალიან ბევრი ვარაუდია ფელაინის თურქული მომავლის გარშემო, ერთმანეთს უკავშირებენ ანდერ ერერას და "მილანს", შესაბამისად გუნდში სერიოზული დეფიციტი ჩნდება ცენტრალური ნახევარმცველების.

ვანიამა შესანიშნავ ვარიანტად შეიძლება ჩაითვალოს, ფიზიკურად არნახულ ფორმაში მყოფ ვიქტორს ბოლო სეზონში არცერთი შეხვედრა არ გამოუტოვებია და რომ არა სეზონის დასაწყისში მიღებული ტრამვა მისი სათადარიგოთა სკამზე ხილვა წარმოუდგენელი იქნებოდა.

გაცილებით რთულ მდგომარეობაში აღმოჩენილი "ლივერპული" ნომერ პირველ და ერთადერთ პრეტენდენტად მიიჩნეოდა პრესაში, მაგრამ "დეილი მეილის" ინფორმაციით მერსისაიდელებს კონკურენციას მათი ყველაზე საძულველი მოწინააღმდეგე "იუნაიტედი" გაუწევს.

26 წლის კენიელის და არტურო ვიდალის გარდა პრესა აქტიურად უკავშირებს "იუნაიტედს" "ნაპოლის" ნახევარმცველ ჟორჟინიოს, როგორც ბოლო დღეებში ირკვევა მოურინიოს გარდა, პოლ პოგბაც აქტიურად ითხოვს სათამაშო სქემის შეცვლას, რაც კიდევ უფრო საინტერესოს ხდის ზაფხულის სატრანსფერო ფანჯარას.



წყარო: dailymail.co.uk