პოლ პოგბა "მანჩესტერ იუნაიტედში" მუშაობას სიამოვნებით აგრძელებს, მიუხედავად იმისა, რომ ჟოზე მოურინიოსა და მისი მოსაზრებები გაიყო და ნანობს, რომ მადრიდის "რეალი" არ აირჩია.

პოგბას პრემიერ ლიგის ბოლო სამი შეხვედრა არ ჩაუტარებია სრულად და ერთ-ერთ მათგანში სასტარტო შემადგენლობაში ვერ მოხვდა.

ეს პირველი ნიშანია პოგბასა და მოურინიოს შორის ნებისმიერი სახის უთანხმოებისა, რაც პირველ რიგში ფეხბურთელისადმი დაკისრებულ მოვალეობებზეა დამოკიდებული.

ფრანგული გამოცემა L’Equipe ამტკიცებს, რომ პოგბა უკმაყოფილოა ნახევარდაცვის სიღრმეში ჩაწევით და ეჭვობს, რომ "რეალის" ნაცვლად "იუნაიტედის" არჩევით არასწორი გადაწყვეტილება მიიღო.

მედიის სხვა წარმომადგენლები კი ირწმუნებიან, რომ პოგბას 4-3-3 ფორმაციაში მარცხენა ნახევარმცველად თამაშის სურს, ზოგიერთი კი ამტკიცებს, რომ ალექსის სანჩესზეა დაბოღმილი, რადგანაც სწორედ ჩილელის მისვლის შემდეგ შეიცვალა მისი მდგომარეობა.

მოურინიო უკმაყოფილოა ფრანგის ბოლო დროინდელი ასპარეზობით, მაგრამ ისინი ერთმანეთს პირისპირ არ შეხვედრიან და არ უსაბრიათ, რადგან ჟოზეს ჯერ კიდევ სჯერა, რომ პოგბა "იუნაიტედის" წარმატებაში უმთავრეს როლს თამაშობს.

მისი აგენტი მინო რაიოლა კი გაოცებული დარჩა, როცა "ტელეგრაფ სპორტის" ჟურნალისტებმა ჰკითხეს, ნამდვილად აპირებდა თუ არა პოლი "ოლდ ტრაფორდის" დატოვებას და ამ ემოციის დასტურად განაცხადა, რომ მისი კლიენტი მხოლოდ ბეჯითად შრომას აპირებს.

წყარო: telegraph