"იუნაიტედის" კიპერმა სასურველი ხელფასის ოდენობა დაასახელა.
ბოლოდროინდელი ჭორები "იუნაიტედის" ესპანელი მეკარის დავიდ დე ხეას ირგვლივ თითქმის არ წყდება. დე ხეაზე ფიქრს, მადრიდის "რეალი" კვლავ არ ანებებს თავს. მის გადაბირებას კი ზაფხულის სატრანსფერო ფანჯრის გახსნისთანავე ეცდება. დავიდს, "წითელ ეშმაკებთან" კონტრაქტი 2019 წლამდე აკავშირებს.
"სამეფო კლუბი" გავრცელებული ცნობების თანახმად, მზადაა პრემიერ ლიგის საუკეთესო მეკარეში, 135 მილიონი ევრო გადაიხადოს. სწორედ ეს თანხა დაასახელა "იუნაიტედმა", რომელიც როგორც ჩანს პერესის კლუბისთვის დამაბრკოლებელი არ აღმოჩნდა.
თავის მხრივ, გულხელდაკრეფილი არც "იუნაიტედის" ხელმძღვანელობა ზის, ახალ კონტრაქტზე მზადება უკვე დაიწყო თუმცა, გამოიკვეთა ნიუანსი რომელზე შეთანხმებაც მხარეებს შორის ვერ ხერხდება. კერძოდ, დე ხეა ხელფასის სახით კლუბს კვირაში 420 ათას ევროს სთხოვს.- იუწყება Marca.
თუ "წითელი ეშმაკები" ამ მოთხოვნას დათანხმდებიან, დე ხეა პრემიერ ლიგაში ანაზღაურების მიხედვით მეორე ადგილზე გადავა. ამ პრემიერ ლიგაში ალექსის სანჩესი ლიდერობს, რომელმაც "ოლდ ტრაფორდზე" გადმოსვლით ყველაზე გულუხვი ანაზღაურება მიიღო კლუბის მხრიდან.
დე ხეა მიმდინარე სეზონში საუცხოო ფორმაში იმყოფება, პრემიერ ლიგაში ჩატარებული 26 შეხვედრიდან მის ანგარიშზე 15 მშრალად შენახული მატჩია რომელიც ამ ეტაპზე საუკეთესოა.
წყარო:
euro-football