ჯასტინ კლუივერტმა გავრცელებულ ნიუსთან დაკავშირებით კომენტარი გააკეთა.
ჯასტინ კლუივერტმა განაცხადა, რომ "მანჩესტერ იუნაიტედში" მისი გადასვლა ამჟამად წარმოუდგენელია.
18 წლის კლუივერტმა მიმდინარე სეზონში ჰოლანდიის ჩემპიონატში შესაძლო 21 მატჩიდან 14-ში მიიღო მონაწილეობა. ჰოლანდიის 21-წლამდელთა ნაკრების წევრის ინტერესებს წარმოადგენს მინო რაიოლა, რომელმაც ბოლო 18 თვის განმავლობაში "ოლდ ტრაფორდზე" ზლატან იბრაჰიმოვიჩის, ჰენრიხ მხითარიანის, პოლ პოგბასა და რომელუ ლუკაკუს გადაბარგებას შეუწყო ხელი.
"იუნაიტედის" მთავარი მწვრთნელი ჟოზე მოურინიო გასული სეზონის ევროპა ლიგის ფინალის შემდეგ ცხადად ესაუბრა კლუივერტს და როგორც ჰოლანდიური სატირული პროგრამები ამტკიცებენ, საუბრის შინაარსი იმაში მდგომარეობდა, რომ მოურინიო ახალგაზრდა ფეხბურთელს თავისი კეთილგანწყობა და მის გუნდში გადაბირების სურვილი გაუმხილა.
ამ მომენტიდან კლუივერტს ხშირად უკავშირებენ "იუნაიტედის" სახელს, მაგრამ თავად ფეხბურთელი აცხადებს, რომ მოურინიოსთან არასდროს უსაბრია "ოლდ ტრაფორდზე" შესაძლო გადაბარგების შესახებ:
"ჭორები მოვიდა ჩემს ყურამდე, მაგრამ მოურინიოსთან არ მილაპარაკია. "მანჩესტერ იუნაიტედში" გადასვლა ამჟამად წარმოუდგენელია", - განაცხადა კლუივერტმა.
ჰოლანდიური გამოცემების უმრავლესობა ზემოაღნიშნული დიალოგის შინაარს ამგვარად გამოდგვცემს:
მოურინიო კლუივერტთან მივიდა და უთხრა:
- შენ! შენ მჭირდები! შენ განსაკუთრებული.
- გამიგია, თქვენზეც მაგას ამბობენ, - უპასუხა ჯასტინმა.
- დიახ, მე განსაკუთრებული ვარ.
- მაშინ განსაკუთრებული ტრანსფერი განვახორციელოთ.
- კიდევ ერთი სეზონიც.
- მერე?
- მერე მანჩესტერში გადმოდი და ჩემი თავდამსხმელი გახდი.
- კარგი.
- "აიაქსში" კიდევ ერთი წარმატებული სეზონიც და ჩვენ ერთად ისტორიას დავწერთ.
- კარგი, მოუთმენლად ველი
წყარო:
M.E.N.