''მანჩესტერ იუნაიტედის'' თავკაცმა ჟოზე მოურინიომ, გაახანგრძლივა მის კონტრაქტში გათვალისწინებული 1 წლიანი პუნქტი. ჟოზეს კონტრაქტტი 2019–ის ნაცვლად, ახლა უკვე 2020 წელს ამოეწურება.
პორტუგალიელმა სპეციალისტმა, თავის პირველ სეზონში, მოიგო EFL Cup, ევროპის ლიგა და ასევე ქომუნითი შილდი ''ლესტერის'' წინააღმდეგ. მიმდინარე წელს, მისი თავკაცობით ''იუნაიტედი'' პრემიერ ლიგაში მეორე პოზიციაზეა და წარმატებულად გამოდის ჩემპიონთა ლიგაზე, სადაც მისი მეტოქე ამჯერად ''სევილიაა''.
''მე ძალიან ამაყი ვარ, რადგანაც ''იუნაიტედს'' ვწვრთვნი. მინდა მადლობა გადავუხადო მფლობელებს და ბატონ ედ ვუდვორდს ჩემი ნდობისა და შრომის დაფასებისთვის. მე ბედნიერი ვარ , რადგან ისინი მე მენდობიან და თვლიან, რომ ''იუნაიტედისთვის'' შესაფერისი მწვრთნელი ვარ. ჩვენ კარგად დავიწყეთ, პირველ სეზონში მოვიგეთ 3 ტიტული, თუმცა ეს საკმარისი არაა, ყველა ხვდება, რომ ჩვენ მომავლის ''იუნაიტედს'' ვაშენებთ, მომავალი კი საუკეთესო და წარმატებული იქნება ამ კლუბისთვის.''-განაცხადა ჟოზემ.
ჟურნალისტებს ედ ვუდვორდმაც გაუკეთა, ჟოზეს კონტრაქტის შესახებ კომენტარი: ''ჟოზემ უკვე ბევრს მიაღწია ''იუნაიტედში'' და ბედნიერი ვარ, რომ მან 1 წლიანი პუნქტი აამოქმედა. მისი დაუზოგავი შრომა და პროფესიონალიზმი, ეს იშვიათია. იგი ასევე წარმატებულად მუშაობს ახალგაზრდებთან და მათ შანს აძლევს პირველ გუნდში თამაშის. მან უამრავი ენერგია დახარჯა მიზნის განხორციელებისთვის და დარწმუნებული ვარ, ის განაგრძობს შედეგის დადებას, როგორც გუნდისთვის, ისე გულშემატკივრებისათვის.''-თქვა მან