"იუნაიტედის" სატრანსფერო სამიზნეები.
"მანჩესტერ იუნაიტედმა" ალექსის სანჩესი უკვე შეიძინა, ახლა კი კლუბის ხელმძღვანელთა ყურადღება ნახევარმცველის პოზიციაზე მოასპარეზე ფეხბურთელთა შეძენას მიეპყრობა.
მაიკლ კერიკი მომავალ ზაფხულს კარიერას დაასრულებს და "იუნაიტედს" მისი შემცვლელის პოვნა დასჭირდება, ინგლისელის გარდა კი კლუბს მარუან ფელაინიც დატოვებს თავისუფალი აგენტის სტატუსით.
The Independent-ის მტკიცებით, კლუბის უმთავრეს სატრანსფერო სამიზნეს ჟან-მიშელ სერი წარმოადგენს, მაგრამ ჯერ შეთავაზებები "ვალენსიასა" და დორტმუნდის "ბორუსიასთვის" მზადდება კარლოს სოლერისა და იულიან ვაიგლის თაობაზე, შესაბამისად.
ორივე ფეხბურთელი კლუბს ახალ სისხლს შესძენს - ვაიგლი 22 წლისაა, ხოლო სოლერი მხოლოდ ოცის, თუმცა, ორივე მათგანს აქვს გარკვეული გავლენა თავისი კლუბის თამაშზე.
გარდა ამისა, "ოლდ ტრაფორდთან" დაკავშირებული მორიგი სახელი ანდრე გომეშია.
პორტუგალიის ნაკრების ფეხბურთელის შეძენა "ბარსელონას" 18 თვის წინ 34 მლნ. ფუნტი დაუჯდა, მაგრამ ესპანური მედია "დონ ბალონი" ირწმუნება, რომ ჟოზე მოურინიოს მის იაფად გადაბირებას შეძლებს.
გამოცემის მტკიცებით, "იუნაიტედი" "ბარსელონას" გარანტიას მისცემს, რომ ანტუან გრიზმანის შეძენაში არ შეეცილება, თუკი კატალონიელები გომესს იაფად გაყიდიან.
წყარო:
M.E.N