"მანჩესტერ იუნაიტედის" ახალწვეულ ალექსის სანჩესს, შესაძლოა, თავისი თანამემამულე არტურო ვიდალი ზაფხულში შეუერთდეს.

სანჩესი უკვე გახდა "იუნაიტედის" "შვიდიანი" და კლუბის ყურადღება ახლა სეზონის ბოლოს გასაკეთებელ დიდ საქმეებზეა გადართული.

ჩილელი ჟურნალისტი მარკ კარდენასი კი ამტკიცებს, რომ "წითლებს" ვიდალი სურთ.

ვიდალს მიუნხენის "ბაიერნთან" 2019 წლამდე აკავშირებს კონტრაქტი, მაგრამ პრესაში გავრცელდა ინფორმაცია, რომ მას კლუბის დატოვება სურს.

პოტენციურ სამომავლო კლუბად "იუნაიტედი" მოიაზრება, მაგრამ ინტერესს იჩენს ლონდონის "ჩელსიც", რომელსაც კონკურენციას ჩინური და იტალიური კლუბები გაუწევენ.

"იუნაიტედი" კი თავის კონკურენტებთან ბრძოლაში უკვე გამოცდილია და ფეხბურთელის დარწმუნებას ეცდება, რისთვისაც ვიდალის ყოფილი თანაგუნდელის, პოლ პოგბასა და სანაკრებო თანაგუნდელის, სანჩესის ფაქტორს გამოიყენებს.

წყარო: M.E.N.