ჰენრიხ მხითარიანი სოციალურ მედიაში.
"მანჩესტერ იუნაიტედის" გამთამაშებელი ჰენრიხ მხითარიანი სოციალურ ქსელში სიჩუმეს არღვევს.
28 წლის ფეხბურთელი "არსენალში" გადასვლისთვის ემზადება, "იუნაიტედმა" კი ორშაბათს იგი "სტოკ სიტისთან" მატჩის განაცხადში არ შეიყვანა, რაც ჟოზე მოურინიომ ფეხბურთელის ირგვლივ არსებული გაურკვევლობით ახსნა.
მხითარიანი ფოტოგრაფებმა კარინგტონზე მისვლისას შენიშნეს ხუთშაბათს დილას, დაახლოებით ამავე დროს კი ალექსის სანჩესი, რომლის ტრანსფერშიც "არსენალი" სომეხი ფეხბურთელის ჩართვას ითხოვს, "არსენალის" ბაზაზე იმყოფებოდა.
მას შემდეგ, რაც ჰენრიხის ირგვლივ სპეკულაციები ვრცელდებოდა, სოციალურ მედიაში იგი აქტიური აღარ იყო, მაგრამ დღეს პირველად გამოაქვეყნა პოსტი, სადაც ენტონი მარსიალი ჰყავს მონიშნული რვა კაციანი გუნდის ფოტოზე, რომელმაც ვარჯიშზე გაიმარჯვა.
ამ ფოტოზე ასევე ასახულნი არიან პოლ პოგბა, აქსელ ტუანზებე, ჟოელ პერეირა, დეილი ბლინდი, მარუან ფელაინი, ვიქტორ ლინდელეფი და თავად მხითარიანი, აღწერად თან აქვს დართული სიტყვები: "გართობა დღევანდელ ვარჯიშზე"