დღეს ღამით პრემიერ ლიგის 23 ტური დასრულდა. ერთმანეთს "ოლდ ტრაფორდზე" "იუნაიტედი" და "სტოკ სიტი" დაუპირისპირდნენ, "წითლებმა" შეხვედრა დამაჯერებელი ანგარიშით 3-0 მოიგეს და თანაქალაქელ "სიტისთან" ჩამორჩენა 12 ქულამდე დაიყვანეს. შეხვედრის დასრულების შემდეგ ჟურნალისტებისთვის მიცემულ ინტერვიუში მოურინიოს შეგირდი პოლ პოგბა აცხადებს რომ "იუნაიტედს" სურს "სიტის" დაეწიოს.
"ჩვენი გუნდი ეხლა შესანიშნავ ფეხბურთს თამაშობს, ჩვენ ამის დამტკიცებ ამ შეხვედრაშიც შევძელით. პირადად მეც მსურს, რომ უფრო მეტად გადავიდე მოწინააღმდეგე გუნდის მეორე ნახევარზე, შეტევისთვის მეტი თავისუფალი სივრცე შევქმნა, მგონია, რომ ჩემ უნარებს და შესაძლებლობებს ამ ეტაპზე კარგად ვიყენებ, შემიძლია კარის მიმართულებით დავარტყა, ან პასი გავაკეთო, ეს ძალიან მომწონს.
ჩვენ გვსურს "სიტის" დავეწიოთ, თუმცა უნდა ითქვას, რომ ისინი ძალიან წინ არიან. კარგია, რომ მათ "ლივერპულთან" ქულები დაკარგეს, თუმცა ჩვენ მხოლოდ საკუთარ თავზე უნდა ვიფიქროთ რადგან კონცენტრაციის შენარჩუნება ძალიან მნიშვნელოვანია. "იუნაიტედმა" მომავალ შეხვედრებშიც უნდა გაიმარჯვოს, რადგან ჩვენ ბევრი ქულა დავკარგეთ".- განაცხადა დასასრულს შეხვედრის საუკეთესო ფეხბურთელმა.