ჟოზე მოურინიო არაფერს არ პირდება სამომავლოდ მისივე ნაყიდ სომეხ ფეხბურთელს მხითარიანს. მოგეხსენებათ მხითარიანს ''იუნაიტედში'' საქმე კარგად არ მისდის, იგი ვერ ხვდება სასტარტოში და შეცვლაზეც იშვიათად თუ ერთვება თამაშში. სომეხი ფეხბურთელი ერთ-ერთი პირველი შენაძენია, რომელიც ჟოზემ გააკეთა. იგი 2016 წლის ზაფხულში გადმოვიდა ''დორტმუნდიდან'' 26.3 მილიონი ფუნტის სანაცვლოდ.
29 წლის ფეხბურთელმა სეზონი შესანიშნავად დაიწყო, მან პრემიერ ლიგის პირველ 3 შეხვედრაში 5 ასისტი გააკეთა, რის შემდეგაც მისი ფორმა და თამაშის ხარისხი ძალიან დაეცა. მხითარიანი სასტარტოში თითქმის მთელი პირველი წრე ვეღარ ხვდებოდა, საბოლოოდ მან ძირითადში ''დერბის'' წინააღმდეგ დაიწყო სათასო შეხვედრაში. უსახური პირველი ტაიმის შემდეგ მოურინიომ მეორე ტაიმის დასაწყისშივე გაიყვანა მხითარიანი, ნათელი გახდა, რომ მან შანსი ვერ გამოიყენა.
''ჩემი მიდგომა მოთამაშეების მიმართ ასეთია, ''ყველა ფეხბურთელს აქვს ფასი''. არ აქვს მნიშვნელობა ვინ არის ის, არ აქვს მნიშვნელობა მის სათამაშო კლასს, პრესტიჟს და სტატუსს, ჩემი აზრით ყველა ფეხბურთელი გარკვეული თანხა ღირს. მე არ ვარ ბრმა, არ ვამბობ, რომ რომელიმე ფეხბურთელი ხელშეუხებელია, და მისი გაყიდვა გამორიცხულია. როდესაც სატრანსფერო ფანჯარა იღება, იგი იღება სხვა გუნდებისთვისაც, რომლებიც ჩვენი ფეხბურთელებით არიან დაინტერესებულნი. ჩვენ უბრალოდ ვიღებთ გადაწყვეტილებებს დავთანხმდეთ მოცემულ წინადადებებს თუ არა.''
''ჩვენ რაზეც ვფიქრობთ, ეს არის სწორი ფასის დადება ფეხბურთელზე, თუმცა მხითარიანმა ითამაშა ბოლო შეხვედრა ''დერბისთან'' და სავარაუდოდ იგი მონაწილეობას მიიღებს ორშაბათს, ''სტოკთან'' შეხვედრაში. ის ჩვენი მოთამაშე და კარგი ფეხბურთელია.''-განაცხადა მოურინიომ