ყველასთვის კარგად ცნობილია, რომ ლონდონის "ჩელსისა" და "მანჩესტერ იუნაიტედის" თავკაცებს, ანტონიო კონტესა და ჟოზე მოურინიოს ერთმანეთის მიმართ სიმპატიები ნამდვილად არ ამოძრავებთ. მეტიც ამ ორ მწვრთნელს შორის სიტყვიერი დაპირისპირება უკვე მასიურ ხასიათს იღებს და ეგრეთწოდებული "სიტყვებით ომი" კვლავ გრძელდება.
დაპირისპირება მას შემდეგ განხლდა სადაც პოერტუგალიელ სპეციალისტმა ჟურნალისტებისთვის მიცემულ ერთ-ერთ ინტერვიუში განაცხადა: "თუ მოედანზე კლოუნივით არ დავრბივარ ეს იმას არ ნიშნავს, რომ ფეხბურთის მიმართ მგრძნობიარე არ ვარ".
აღნიშნულ კომენტარზე კონტეს პასუხი შემდეგნაირი იყო: "მოურინიოს სიტყვები ჭკუსუსტობის გამოვლინებაა. ზოგჯერ საჭიროა განვლილ წლებს და მიღწევებს გადახედოს ადამიანმა. რაც შეეხება კლოუნივით სირბილს? შესაძლოა მოურინიომ საკუთარი თავი იგულისხმა".
ინგლისის ასოციაციის თასის შეხვედრაში "იუნაიტედმა" "დერბი" დამაჯერებელი ანგარიშით 2-0 დაამარცხა, მატჩის შემდგომ პრესკონფერენციაზე, პორტუგალიელმა კონტეს მისამართით კიდევ ერთი ემოციური განცხადება გააკეთა.
"დიახ, მე უშეცდომო არ ვარ, მქონდა ესა თუ ის შეცდომები. ახლა კი მაქსიმალურად ვცდილობ იშვიათად შევცდე, რაც მთავარია ამაზე ფიქრი ვისწავლე. თუმცა მინდა ხმამაღლა განვაცხადო, რომ მე არასდროს დავსჯილვარ გარიგებული მატჩებისთვის. ისტორიაში მსგავსი შემთხვევა არასდროს მქონია და არც არასდროს არ მექნება".- ციტირებს განსაკუთრებულის სიტყვებს Goal.
შეგახსენებთ, მოურინიოს ეს კომენტარი კონტეს მიმართ გულისხმობდა, იტალიელი სპეციალისტის დასჯას გარიგებული შეხვედრებისთვის, როდესაც ისი იტალიურ "სიენას" წვრთნიდა, მას 4 თვიანი დისკვალიფიკაცია მისცეს.