Sky Sports-ის ექსპერტი მოურინიოს ალექსისის ყიდვას ურჩევს.
ირლანდიის ეროვნული ნაკრების ყოფილი ფეხბურთელი და ამჟამად Sky Sports-ის ექსპერტი, ტონი კასკარინო "მანჩესტერ იუნაიტედს" ალექსისის სანჩესის ყიდვას ურჩევს, მისი აზრით ჩილელს შეუძლია გუნდზე ისეთივე ეფექტი მოახდინოს, როგორიც რობინ ვან პერსიმ მაოხერხა. ჰოლანდიელი "იუნაიტედში", სწორედ "მეთოფეების" ბანაკიდან შეუერთდა და სეზონის ბოლოს პრემიერ ლიგის თასის მოგებაც შეძლო.
სანჩესს არსენ ვენგერის გუნდთან კონტრაქტი სეზონის ბოლოს ეწურება, მას ლონდონური კლუბის დატოვება მტკიცეთ აქვს გადაწყვეტილი, ვინაიდან ეს უკანასკნელი "მეზარბაზნეებთან" ახალი კონტრაქტის გაფორმებაზე უარს აცხადებს. თუ ყველაფერი ასე გაგრძელდა სამხრეთ ამერიკელი ვარსკვლავი კლუბს, ან ზამთრის სატრანსფერო ფანჯრის დროს გარკვეული თანხის სანაცვლოდ დატოვებს, ან ზაფხულში კლუბს მისი უფასოდ გაშვება მოუწევს. თავის მხრივ ლონდონური კლუბის ლეგენდარულმა მწვრთნელმა არსენ ვენგერმა, სანჩესის გაშვება ზამთარში კატეგორიულად გამორიცხა. ფრანგი სპეციალისტის განცხადებით, მას ურჩევნია ალექსისიმა კლუბი უფასოდ ზაფხულში დატოვოს, ვიდრე გუნდმა საკვანძო მოთამაშე სეზონის შუა ნაწილში დაკარგოს.
ჩილელის ყიდვით ყველაზე მეტად პეპ გვარდიოლაა დაინტერესებული, სანჩესი გასულ ზაფხულსაც ახლოს იყო "სიტში" გადასვლასთან, მაგრამ ტრანსფერი ბოლო მომენტში ჩაიშალა და ალექსისი "არსენალში" დარჩა. Sky Sports-ის ექსპერტი ტონი კასკარინო, "მანჩესტერ იუნაიტედს" ალექსის სანჩესისთვის ბრძოლას ურჩევს. ირლანდიელის აზრით "წითელი ეშმაკების" შეთავაზების შემთხვევაში, შესაძლოა სანჩესზე გუნდის ახალმა პროექტმა გავლენა იქონიოს და ასპარეზობა "ოლდ ტრაფორდზე" გააგრძელოს.
"მე ვფიქრობ "მანჩესტერ იუნაიტედმა" აუცილებლად უნდა სცადოს "არსენალიდან" სანჩესის გაფორმება, მისი გაფორმების შემთხვევაში, ვფიქრობ იგივე განმეორდება რაც რობინ ვან პერისის ყიდვის შემდეგ მოხდა, მაშინ "წითელმა ეშმაკებმა" სეზონის ბოლოს პრემიერ ლიგის თასი მეოცეთ ასწიეს. ჩილელი მოურინიოსთვის ბრწყინვალე შენაძენი იქნებოდა."წყარო:
Express