"მანჩესტერ იუნაიტედი" მზად არის, ჯონი ევანსი "ოლდ ტრაფორდზე" დააბრუნოს.

ჟოზე მოურინიოს მიაჩნია, რომ მისმა წინამორბედმა მწვრთნელმა, ლუი ვან გაალმა დიდი შეცდომა დაუშვა, როცა ორწელიწად-ნახევრის წინ "ვესტ ბრომს" მხოლოდ 6 მილიონ ფუნტად მიყიდა ცენტრალური მცველი.

ახლა კი მისი დაბრუნება სურს, მაგრამ იცის, რომ კონკურენციას წააწყდება "მანჩესტერ სიტისა" და "არსენალისგან", რომლებიც "შაშვების" ფეხბურთელის შეძენით სერიოზულად არიან დაინტერესებული.

"სიტის" 20 მილიონ ფუნტიანი შეთავაზება "ვესტ ბრომმა" წინა სატრანსფერო ფანჯარაზე არ მიიღო, მაგრამ ამჯერად კლუბი ევანსს არ აღუდგება წინ, თუკი იანვარში 30 მილიონ ფუნტთან მიახლოებულ შეთავაზებას მიიღებს.

"იუნაიტედის" ინტერესი თავისი ყოფილი ფეხბურთელის მიმართ მას შემდეგ უფრო გაიზარდა, რაც ცნობილი გახდა, რომ ერიკ ბაიი სამი თვე იუქმებს მუხლის ტრავმის გამო, შვედი ვიქტორ ლინდელეფი კი მასზე დამყარებულ იმედს ვერ ამართლებს.

ევანსი კი "იუნაიტედიდან" წასვლის შემდეგ "ვესტ ბრომის" მნიშვნელოვან ფიგურად იქცა და პრემიერ ლიგის სხვადასხვა კლუბების ყურადღებაც მიიპყრო.

წყარო: mirror