დასრულდა "იუნაიტედისთვის" პრემიერ ლიგის მე-18 ტური, სადაც წითლებმა გასვლაზე "ვესტ ბრომვიჩს" მინიმალური სხვაობით, ანგარიშით 1-2 სძლიეს და სატურნირო ცხრილში მომდევნო სამი ქულა ჩაიწერეს. თამაშის დასრულების შემდეგ, წითელი ეშმაკების დამრიგებელმა ჟოზე მოურინიომ Sky Sports- ის ჟურნალისტს ინტერვიუ მისცა, რომელსაც შემოგთავაზებთ.
"ვფიქრობ, რომ მოგება დავიმსახურეთ. "იუნაიტედი" თამაშობდა უკეთ ვიდრე მოწინააღმდეგე. ვიცოდი რომ "ვესტ ბრომვიჩი" ძალიან სახიფათოა სტანდარტულ მოქმედებებში. ვაკონტროლებდით თამაშს დიდი ხნის განმავლობაში, თუმცა უნდა ითქვას, რომ ალან პარდიომ შესაბამისი რეაგირებაც მოახდინა. შეგვეძლო თამაშისთვის ინტრიგა მის დასრულებამდე მოგვეკლა, ეს ვერ შევძელით რის შემდეგაც ვიცოდი, რომ მოწინააღმდეგე შესაბამისად გვიპასუხებდა.
მეორე ტაიმში "იუნაიტედმა" სუსტად ითამაშა?
ვფიქრობ ჩვენ გვქონდა ნაკლები ამბიციები პირველი ტაიმის შემდეგ. ისე ინტენსიურად აღარ ვთამაშობდით როგორც ამას პირველ ნახევარში ვაკეთებდით. "ვესტ ბრომვიჩი" მეორე სართულზე ბრძოლაში ძალიან ძლიერია. გაშვებული გოლის შემდეგ კვლავ ავიღეთ კონტროლი, ჩვენ მოვახერხეთ ბურთის მოწინააღმდეგეთა ნახევარზე დაბრუნება.
რატომ არ აღნიშნა ლუკაკუმ გატანილი გოლი?
მისი გატანილი გოლი მეც არ აღმინიშნია, თუმცა ჩემზე ბედნიერი არავინ იყო იმ დროს. თხუთმეტი წლის წინ უნდა გენახეთ როგორ აღვნიშნავდი გოლს, თუმცა ამის შემდეგ უკეთ ვისწავლე ემოციების კონტროლი. ლუკაკუ "ვესტ ბრომვიჩში" არენდით თამაშობდა, ის იქ ბედნიერი იყო. შესაძლოა გულის სიღრმეში მას ისევ უყვარს თავისი ყოფილი კლუბი".- განაცხადა დასასრულს პორტუგალიელმა.