"იუნაიტედმა" გუშინდელ შეხვედრაში დამარცხებით, საქმე სატურნირო ცხრილში უფრო გაირთულა. ასე და ამგვარად ლიდერ "სიტისთან" სხვაობა უკვე 11 ქულას შეადგენს და ძნელია სათქმელია, შეძლებს თუ არა მოურინიოს გუნდი, შესანიშნავ ფორმაში მყოფ ქალაქელებთან ამ სხვაობის აღმოფხვრას.
როგორც ცნობილი გამოცემა The Telegraph იუწყება, ოლდ ტრაფორდის გასახდელისკენ მიმავალ გვირაბში არეულობა მოხდა, სადაც ორივე კლუბის ოცამდე ფეხბურთელი და თავად მწვრთნელებიც მონაწილეობას იღებდნენ აღნიშნულში.
ინციდენტის დროს, ქალაქელების მხრიდან ძირითადი შემადგენლობის მწვრთნელი, მიკელ არტეტა დაშავდა, რომელსაც სავარაუდოდ თავის არედან სისხლდენაც ქონდა.
წყაროს ცნობით, ინციდენტი შემდეგნაირად დაიწყო: ჟოზე მოურინიოს არ მოეწონა, "სიტი" თუ როგორ ხმაურიანად აღნიშნავდა გამარჯვებას გასახდელში, ხმამაღლა იყო ჩართული მუსიკა, რაც ერთგვარი ყიჟინის სახეს იღებდა. პორტუგალიელი შენიშვნის მისცემად, ქალაქელების გასახდელისკენ გაემართა და უკმაყოფილება მათ მიმართ პირადად გამოხატა, ამან უკმაყოფილება გამოიწვია "სიტის" ფეხბურთელებში. კონკრეტული შეკამათება კი გვარდიოლას გუნდის ბრაზილიელ მეკარეს ედერსონ მორაეშსა და მოურინიოს შორის შედგა, რაც თვითონ ფეხბურთელის მიერ გაცემულ პასუხებმა გამოიწვია მოურინიოს მისამართით, მოურინიომ და მორაეშმა ერთმანეთს პორტუგალიურ ენაზე უყვირეს.
ამის შემდეგ, მოურინიოს მისამართით რძის ბოთლების სროლა მოხდა. "იუნაიტედის" ფეხბურთელებმა გადაწყვიტეს საკუთარ მწვრთნელს გამოსარჩლებოდნენ, რის შემდეგაც სრული არეულობა დაიწყო. ფეხბურთელები ერთმანეთს ხელითაც შეეხნენ, განსაკუთრებით დაზარალდა სამწვრთნელო შტაბის წევრი მიკელ არტეტა, რომელმაც დაზიანება თავის არეში მიიღო. ამ დროს გასახდელის მიმართულებით სამართალდამცავებმაც დაიწყეს მოძრაობა, თუმცა აღნიშნულ ინციდენტში ისინი არ ჩარეულან.
შეგახსენებთ მსგავსი ფაქტი ადრეც მომხდარა ოლდ ტრაფორდზე, კერძოდ 2004 წელს "იუნაიტედი" "არსენალს" დაუპირისპირდა, შეხვედრის დასრულების შემდეგ, მეთოფეების ესპანელმა ფეხბურთელმა, წითლების დამრიგებელ სერ ალექს ფერგიუსონს პიცა ესროლა, რის შემდეგაც დაპირისპირება ორ გუნდს შორის მძიმე ფაზაში გადავიდა.