ჟოზე მოურინიო მოხარულია ჩემპიონთა ლიგის ჯგუფურ ეტაპზე ცსკა-სთან მატჩში მისი ფეხბურთელების თამაშით და გამარჯვებით, რომელმაც გუნდს პირველი ადგილი და პლეი-ოფში თამაში გაუნაღდა.
მატჩის შემდგომ კი მნიშვნელოვან საკითხებზე ისაუბრა...
"შემდეგ ეტაპზე სასურველ სტილში გავედით"
"შემდეგ ეტაპზე გავედით და თანაც ისე, როგორც ჩვენ გვინდოდა - კარგი თამაშითა და შედეგით. პირველ ტაიმში კარგად ვითამაშეთ, მაგრამ დავმარცხდით. ფეხბურთელებით უკმაყოფილო სულაც არ ვყოფილვარ. მეორე ტაიმში კი ძლიერი რეაქცია გამოვავლინეთ, არ გვინდოდა წაგება და ბიჭებმა ნამდვილად პროფესიონალურად ითამაშეს. საქმისადმი მათი მიდგომით კმაყოფილი ვიყავი. მათ არ სურდათ წაგება და საშინაო მატჩებში ნაჩვენები კარგი შედეგის შეწყვეტა. მეორე ტაიმში ძლიერი თამაში ვაჩვენეთ. სანამ ორ გოლს გავიტანდით, უწყვეტად ვქმნიდით მომენტებს და ვცდილობდით. ჩემპიონთა ლიგაზე დაბრუნების სეზონში დაგროვილი 15 ქულა კი, ჩემი აზრით, ძალიან კარგია". 40-მატჩიანი წაუგებელი სერია "ოლდ ტრაფორდზე"
"არ ვამაყობ, რადგან ცუდი შედეგებიც გვქონდა სახლში. მე რეკორდებისთვის არ ვთამაშობ, სულაც არ მინდა, ამ კლუბის ისტორიის ფურცლებზე ჩემი გვარი რეკორდის გამო ეწეროს. მინდა ისე დარჩეს ჩემი სახელი, როგორც ევროპა ლიგის პირველად მოგებაა, მაგალითად. მე ამაზე მეტის გაკეთება მსურს. თუმცა, ესეც სასიამოვნოა". კარგი გოლეადორები
"გოლის ავტორების არჩევა რომ შემეძლოს, ყოველთვის თავდამსხმელს ავირჩევდი, რადგან მათი თავდაჯერებულობა სწორედ გოლზეა დამოკიდებული. მაგრამ ლუკაკუს შრომა გუნდისთვის უბრალოდ სიგიჟეა, იმდენ რამეს აკეთებს გუნდისთვის ყოველ შეხვედრაში, რომ სულერთია, გოლი გააქვს თუ არა. თუკი გოლი გააქვს და გრძნობს ბედნიერებას, რომელიც თავდამსხმელს სურს, მაშინ დიდებულია. მაგრამ რომელუთი ყოველთვის კმაყოფილი ვარ. მარკუსისთვისაც მნიშვნელოვანი გოლი იყო."
უთამაშებელმა ფეხბურთელებმა შანსი მიიღეს
"ჩემპიონთა ლიგაზე რამდენიმე წუთი თამაში მაკტომინეისთვისაც და აქსელისთვისაც კარგი იყო. სხვა ბიჭებიც, რომლებიც ცოტას თამაშობენ, ლუკ შოუ თუნდაც, შეტევაში განსაკუთრებულად კარგი იყო. რომერო კარგი მეკარეა და სათადარიგოთა სკამზე მხოლოდ იმიტომ ზის, რომ ჩვენ დავიდ დე ხეა გვყავს. "