მადრიდის "რეალი" აპირებს, "მანჩესტერ იუნაიტედს" მომდევნო ზაფხულს სერიოზული გამოცდა მოუწყოს სარფიანი წინადადების წაყენებით.

კილიან მბაპეს გადაბირებაში "პარი სენ-ჟერმენთან" დამარცხების შემდეგ მადრიდელთა იერარქიულ კიბეზე მიაჩნიათ, რომ ენტონი მარსიალი იდეალური კანდიდატი იქნება მათი გუნდის გასაძლიერებლად და მზად არიან, 80 მილიონი ფუნტი გადაიხადონ.

ამ პოზიციას იზიარებს მთავარი მწვრთნელი ზინედინ ზიდანიც, რომელსაც მიაჩნია, რომ 21 წლის ფეხბურთელი "ბერნაბეუზე" სამომავლოდ დიდ წარმატებას მიაღწევს.

კრიშტიანუ რონალდუს, კარიმ ბენზემას, ლუკა მოდრიჩის ასაკობრივი სიჭარბისა და გარეთ ბეილის ტრავმიანობის ფონზე ზიდანს გუნდში ახალგაზრდული ძალისა და სისწრაფის დამატება სურს. ახალგაზრდა ვარსკვლავი კი მისი გუნდის მომავლის იმედად მიიჩნია.

ჟოზე მოურინიოს გუნდში მარსიალს თავის მხრივ საკმაოდ უჭირდა თავის დამკვიდრება გასულ სეზონში, მაგრამ წელს მან თავისი თამაში იპოვა და 19 შეხვედრაში რვა გოლი გაიტანა, თუმცა ჯერ კიდევ არ აქვს გარანტირებული ადგილი სასტარტო შემადგენლობაში.

მადრიდრული კლუბისგან გამოვლენილი ინტერესი შოკში ნამდვილად არ ჩააგდებს "იუნაიტედს", რომელმაც "მონაკოდან" 2015 წელს შეძენილ ფრანგს 4-წლიანი კონტრაქტი გაუფორმა შეთანხმების დამატებით ერთი წლით გახანგრძლივების პერსპექტივით, მაგრამ წარსული სატრანსფერო ურთიერთობიდან გამომდინარე "წითლებს" ნამდვილად აქვთ მღელვარების მიზეზი.

წყარო: mirror