ფერდინანდმა განაცხადა, რომ მას შემდეგ, რაც მან ლიდსი დატოვა და იუნაიტედში გადავიდა კლუბი მისთვის ნაკრებზე მნიშვნელოვანი გახდა. მცველმა ინგლისის ნაკრებში 81 მატჩი ჩაატარა, თუმცა მისი თქმით ეს მატჩები ვერ შეედრებოდა ეშმაკების მატჩებს:”სანამ იუნაიტედთან მოვაწერდი კონტრაქტს ხელს გავესაუბრე ნიკი ბატს, რომელთან ერთადაც იაპონიის მსოფლიო ჩემპიონატზე გამოვდიოდი. მან მითხრა:” თუ გინდა მიაღწიო უფრო მეტს ვდრე ინგლისის ნაკრებში გამოსვლა, მაშინ იუნაიტედში უნდა გადახვიდე.” მან სრული ჭეშმარიტება მითხრა. არაფერი არ შეედრება ჩვენი გულშემატკივრის ემოციებს, როცა ჩვენ წინასასეზონო ტურნეზე ვართ. ეს მართლაც უფრო მეტია, ვიდრე ინგლისის ნაკრებში ასპარეზობა. ”
ასევე რიომ გამოთქვა თავისი აზრი რობინ ვან პერსისთან დაკავშირებით, რომლის მოსვლამაც ძალიან იმოქმედა გუნდზე:”ყველა ვხედავთ, თუ როგორ თამაშობს რობინი ჩვენთან. საბედნიეროდ ჩვენ მის ბრწყინვალე თამაშს ვარჯიშებზეც ვხედავთ. ზოგჯერ შეხედავთ მას და გაიფიქრებთ:”ნეტა როგორ გააკეთა ეს?” უბრალოდ გინდა, რომ თვალი ადევნო მას და ტაში დაუკრა. ყოველთვის ვიცოდი, რომ ძალიან კარგი ფეხბურთელი იყო. მაგრამ მას შემდეგ რაც მე ის პირადად გავიცანი უფრო მეტად დავწრმუნდი მის ბრწყინვალებაში. როცა მას შანსი აქვს გოლის გატანის, მაშინ მას მცველები ვერანაირად ვერ შეაჩერებენ. არსენალში ის ცოტა განსხვავებულად თამაშობდა. ის ასრულებდა შეტევებს. ჩვენთან ის უფრო მეტს თამაშობს, ვიდრე ცენტრალურ ფორვარდს. ის მოედანზე იმ პოზიციას იკავებს რომელიც საჭიროა. ის არის შესანიშნავი პროფესიონალი, რომელიც მიიწევს სრულყოფილებისაკენ!”