მოურინიომ ისაუბრა იმ წამოსულ კრიტიკაზე, რომელიც გუნდის თამაშებს "ლვერპულთან" და "ბენფიკასთან" ეხებოდა.
"ყველა ეს კრიტიკა რომელმაც ბოლო პერიოდში გაიჟღერა, რა თქმა უნდა მომართულია ჩემზე, რადგან ხალხი ჩემი გუნდის კარგ შედეგებს იღებდა, ვაჩვენებდით ამათუიმ შეხვედრაში სანახაობრივ ფეხბურთს, ხოლო ამ ორ მატჩში მათ ვერ მიიღეს სიამოვნება, სხვა მწვრთნელები სხვა ტაქტიკას მიმართავენ, აქვთ ჩემგან განსხვავებული სტანდარტები, ბუნებრივია ყველა მწვრთნელი ინდივიდულურია.
ჩვენ შესაძლოა კვლავ დავკარგოთ ქულები ამ სეზონში, ყველა შეხვედრას ვერ მოიგებ, როცა თამაშს ვერ იგებ გაკრიტიკებენ, ხოლო როცა პირიქით ხდება არავინ გეხება, ეს ბუნებრივი და მისაღებია ჩემთვის.
მინდა გაიხსენოთ, ბოლოს როდის შეძლო "იუნაიტედმა" ჩემპიონთა ლიგაზე ზედიზედ 2 გასვლითი შეხვედრის მოგება, ასევე როდის მოახერხა გუნდმა ამავე ტურნირის ჯგუფურ ეტაპზე, პირველივე 3 შეხვედრაში გამარჯვების მოპოვება და 9 ქულის აღება, აქედან გამომდინარე თამამად ვიტყვი, რომ ჩვენთან ყველაფერი წესრიგშია.
არსებობს ადამიანებში განსხვავებული მოსაზრებები, შეხედულებები, რადგან ზოგიერთისთვის მისაღებია როდესაც გუნდი საშინლად თამაშობს დაცვაში, უშვებს 5 გოლს, გააქვს 6 გოლი მესმის რომ ეს საოცარი და შესანიშნავია, მე ძალიან კარგად ვიცი, რომ ჩემი გუნდი ვერ შეძლებს ყველა ჩასატარებელ შეხვედრაში 4, 5, ან 6 გოლის გატანას, ვიცი რომ გამორჩეულ შეხვედრებში ძნელია გოლის გატანა, მაგრამ ჩვენ უნდა ვეცადოთ მოვძებნოთ და დავიცვათ ბალანსი, რადგან მიზნებისთვის ბრძოლა გრძელდება".