მადრიდის "რეალი" ნანობს, რომ გარეთ ბეილი "მანჩესტერ იუნაიტედში" არ გაყიდა.

უელსელ ფეხბურთელს მთელი ზაფხულის განმავლობაში უკავშირებდნენ "წითელ ეშმაკებს", ჟოზე მოურინიო კი 28 წლის მოთამაშისადმი ინტერესს არ მალავდა, თუმცა "იუნაიტედის" თავკაცმა ამ ტრანსფერის განხორციელებას შეუსრულებელი მისია უწოდა.

შედეგად ბეილი მადრიდში დარჩა და მიუხედავად ტრავმიანობისა, მაინც ახერხებს გუნდის წამყვან ფიგურად ყოფნას.

ზინედინ ზიდანის გუნდში "ტოტენჰემის" ყოფილმა ფეხბურთელმა სამი გოლი გაიტანა და ამდენივე საგოლე გადაცემა გააკეთა ჩატარებულ შვიდ შეხვედრაში, მაგრამ ესპანური გამოცემა "დიარიო გოლი" იტყობინება, რომ "რეალს" ერჩივნა, ბეილი ზაფხულში გაეყიდა.

ამავე წყაროს ცნობით, "რეალის" პრეზიდენტი ფლორენტინო პერესი ზაფხულში ბეილის თავიდან მოშორებას აპირებს. პერესის სინანულს ისიც წარმოადგენს, რომ უელსელი ზაფხულშივე არ გაყიდა და მის ნაცვლად კილიან მბაპე არ შეიძინა.

ბეილს ამჟამადაც ტრავმა აქვს და ჯერჯერობით უცნობია, როდის შეძლებს მოედანზე დაბრუნებას.

წყარო: dailystar