"იუნაიტედის" პორტუგალიელი თავკაცი ჟოზე მოურინიო ბოლო პერიოდია ყურადღების ცენტრშია, მის მომავალზე სხვადასხვა ინფორმაციები ვრცელდება. ჩემპიონთა ლიგის ჯგუფური ეტაპის შეხვედრამდე, სადაც ერთმანეთს "იუნაიტედი" და "ბენფიკა" დაუპირისპირდებიან, პრესკომფერენცია გამართა პორტუგალიელმა, სადაც გავრცელებულ ჭორებზე ისაუბრა და მის მომავალზე განცხადება გააკეთა.
"რას ვაპირებ სამომავლოდ? მინდა აღვნიშნო, რომ ერთ დღეს ბრიტანული პრესა წერს, რომ თურმე "იუნაიტედთან" 5 წლიან კონტრაქტს მოვაწერე ხელი, რისშედეგადაც ჩემი შემოსავალი მნიშვნელოვნად გაიზრდება, მეორე დღეს წერენ, რომ თურმე ჩემი მომავალი "პსჟს" უკავშირდება და საფრანგეთში ვაპირებ გადასვლას, რაზეც შემდეგნაირად შემიძლია გიპასუხოთ: არცერთი ინფორმაცია სიმართლეს არ შეესაბამება, არც 5 წლიან კონტრაქტზე მომიწერია ხელი და არც პსჟში ვაპირებ გადასვლას, ჩემი სამუშაო ხელშეკრულება "იუნაიტედთან" მაქვს გაფორმებული და მაქვს მთელი რიგი ვალდებულებები ამ კლუბის მიმართ, მე კი მუშაობას ვაგრძელებ.
ჩემი ამჟამინდელი კონტრაქტი 2019 წლის ივნისში მეწურება, ახლა კი 2017 წელია, რას ფიქრობთ არის რამე სალაპარაკო? ვაღიარებ, მე მართლაც ვთქვი, რომ ჩემი სამწვრთნელო კარიერის დასრულებას "იუნაიტედში" არ ვაპირებ, რადგან ვფიქრობ რომ არცერთ ამჟამად მომუშავე მწვრთნელს არ შეუძლია, ერთ კლუბში 15 ან 20 წელი გაჩერდეს, ეს მწვრთნელი ამჟამად ვენგერია და ჩემი აზრით ის ბოლოა".
თუ ვიტყოდი რომ 5 წელიწადში სამწვრთნელო კარიერას დავასრულებდი, ამას იუნაიტედში გავაკეთებდი, მაგრამ ამას ჯერჯერობით არ ვაპირებ, მსურს ამ სფეროში მინიმუმ 15 წელი კიდევ ვიმუშაო, ასე რომ ყველაფერი ნათელია".- განაცხადა მოურინიომ.