ჟოზე მოურინიოს "მანჩესტერ სიტისთვის" ალექსის სანჩესის გამო კონკურენციის გაწევა სურს.

"მანჩესტერ იუნაიტედის" მწვრთნელი "არსენალის" შემტევის გადაბირებას ეცდება, როცა მომდევნო ზაფხულს ჩილელი თავისუფალი აგენტი გახდება.

სანჩესს "წითლებთან" წინასწარი კონტრაქტის გაფორმება ახალ წლამდე არ შეუძლია, ვინაიდან პრემიერ ორ კლუბს შორის ეს დაუშვებელია, მაგრამ შეთანხმების მიღწევა, რა თქმა უნდა, შესაძლებელია.

გასულ ზაფხულს "სიტიმ" უკვე სცადა სანჩესის შეძენა, მაგრამ რიგით ბოლო, 60 მილიონ ფუნტიანი შეთავაზება "მეთოფეებმა" არ მიიღეს.

28 წლის ჩილელ სუპერვარსკვლავსაც სურდა "ეტიჰადზე" გადასვლა, მაგრამ მისმა მრჩეველებმა მას ამავდროულად "იუნაიტედის" ვარიანტი ურჩიეს.

"სიტის" ბანაკში კი ბევრს უკვირდა პეპ გვარდიოლას სურვილი სანჩესის შეძენისა, ვინაიდან ეს სერხიო აგუეროს ან გაბრიელ ხესუსი სკამზე დასმას ნიშნავდა.

ამ წყვილმა კი მიმდინარე სეზონში არაჩვეულებრივი პარტნიორობა ჩამოაყალიბეს, რამაც იმას შეიძლება შეუწყოს ხელი, რომ "ქალაქელებმა" ალექსისის შეძენა აღარ ისურვონ.

ეს კი დიდ ბიძგს მისცემს მოურინიოს, ვინაიდან "არსენალის" სახით მას დაბრკოლება თითქმის არ ექნება, რამეთუ ლონდონელებს არ გამოსდით სანჩესის მოხიბლვა ახალი კონტრაქტით.

წყარო: thesun