შესაძლოა, პოლ პოგბამ "მანჩესტერ იუნაიტედის" რვა შეხვედრა გამოტოვოს.

24 წლის ფეხბურთელმა ჩემპიონთა ლიგის ეგიდით "ბაზელის" წინააღმდეგ გამართული შეხვედრის მე-19 წუთზე მიიღო დაზიანება და ექვს კვირას იუქმებს.

მატჩის შემდეგ პოგბამ "ოლდ ტრაფორდი" ყავარჯნებით დატოვა "იუნაიტედი" საბოლოო დიაგნოზს გუშინდელი დღიდან ელოდება, მაგრამ მედიის ცნობით ფრანგი ოქტომბრის ბოლომდე ვერ შეძლებს დაბრუნებას.

პოგბამ "ინსტაგრამის" გვერდზე ატვირთა თავისი ფოტო, სადაც ყავარჯნებით დგას თავისი დედისა და ტყუპი ძმების, ფლორენტინისა და მატიასის გარემოცვაში.

თან დაწერა: "როცა იცი, რომ ყველა კარგად იქნება". მისი პოსტი ანტონიო ვალენსიამ, ერიკ ბაიიმ და ჯესი ლინგარდმა მოიწონეს.

მოსალოდნელია, რომ პოგბა მიმდინარე თვეში დარჩენილ ხუთივე მატჩს გამოტოვებს და ასევე ოქტომბრის რამდენიმე უმნიშვნელოვანეს გასვლით მატჩს.

"იუნაიტედი" კვირას პრემიერ ლიგის ეგიდით "ევერტონს" უმასპინძლებს, შემდეგ კი ინგლისის თასზე ჩემპიონშიპის კლუბ "ბარტონ ალბიონს" მიიღებს. თითქმის ცხადია, რომ პოგბა ვერც ერთ მატჩში ვერ ითამაშებს.

23 სექმტებერს ჟოზე მოურინიოს გუნდი "საუთჰემპტონს" ეწვევა, 4 დღეში კი მოსკოვში ცსკა-ს ეთამაშება ჩემპიონთა ლიგის ჯგუფური ეტაპის მეორე მატჩში. თვეს კი "იუნაიტედი" 30 რიცხვში ასრულებს ლონდონში "კრისტალ პალასის" წინააღმდეგ.

შემდეგი ორი კვირის განმავლობაში "წითლებს" არ ექნებათ მატჩი, ვინაიდან საერთაშორისო შესვენება მოდის, ხოლო 14 ოქტომბერს "ენფილდზე" "ლივერპულს" ეწვევიან, 4 დღეში კი პორტუგალიაში "ბენფიკას". მოსალოდნელია, რომ პოგბა ვერც ამ მატჩებში ითამაშებს და სავარაუდოდ იგი ვერც 21 ოქტომბერს გავა მოედანზე "ჰადერსფილდ თაუნის" წინააღმდეგ.