ESPN საკუთარ წყაროებზე დაყრდნობით იტყობინება, რომ "მანჩესტერ იუნაიტედის" ნახევარმცველ ანდრეას პერეირას ესპანეთში დაბრუნება არ სურს, მიუხედავად მის მიმართ "ვალენსიას აქტიური ინტერესისა.

პერეირამ წინა სასეზონო ტურნეში მონაწილეობა მიიღო, მაგრამ პრემიერ ლიგის პირველი და მეორე ტურის მატჩებში სათადარიგო სკამზედაც ვერ მოხვდა. მიუხედავად ამ ყველაფრისა, მოურინიოს არ სურს ბრაზილიელის გაშვება და აპირებს სანაკრებო შესვენების შემდეგ მოახლოებულ ლიგის თასისა და ჩემპიონთა ლიგის მატჩებში შანსი მისცეს.

ასევე ცნობილია, რომ ჟოზემ დაამშვიდა ყველა ის მოთამაშე პერეირას ჩათვლით, რომლებიც პირველ და მეორე ტურში განაცხადში ვერ მოხვდენ და მათ უთხრა, რომ ამ სეზონში სათამაშო დრო ყველას "ჭარბად ექნება".

კლუბს ასევე საფიქრალი აქვს 21 წლის პერეირას კონტრაქტზეც, რომელსაც მოქმედი შეთანხმებით კიდევ ერთი და ერთი წლით ავტომატურად გახანგრძლივების პირობა რჩება.

წყარო: http://www.manutd.ru