"ჟოზე მოურინიოს ფაქტორი ჩემთვის მნიშვნელოვანი იყო. როდესაც ის "ჩელსიში" მუშაობდა, მაშინ მან მე ამირჩია და ახლაც აქ გადმოსვლის ერთ-ერთი მთავარი მიზეზი სწორედ მოურინიოს ფაქტორია."
"მასთან ერთად დიდი ფაქტორი ითამაშა კლუბმაც, რადგანაც როდესაც "მანჩესტერ იუნაიტედი" გეძახის, გადაწყვეტილების მიღება მარტივია."
"არის თუ არა "მანჩესტერ იუნაიტედი" ყველაზე დიდი გუნდი რომელშიც მე მითამაშია? რა თქმა უნდა, ყველამ იცის თუ რას წარმოადგენს "იუნაიტედი".
"მანჩესტერ იუნაიტედი" განსხვავებულია, "ჩელსი" დიდი გუნდია, "ბენფიკა" პორტუგალიაში უდიდესი გუნდია, მაგრამ მანჩესტერი მანჩესტერია."
"მოსვლის პირველი დღიდანვე ვიგრძენი, რომ აქ ძალზედ კარგი და მეგობრული გარემოა. გულშემატკივრები, ფეხბურთელები, მომსახურე პერსონალი, ყველა გეხმარება ადაპტირებაში."
"ყოველი სავარჯიშო სესიის შემდეგ გულშემატკივრები ავტოგრაფებისთვის გველოდებიან, მათ ფოტოს გადაღება და გასაუბრება სურთ. ეჭვგარეშეა, რომ "მანჩესტერ იუნაიტედი" მსოფლიოს ერთ-ერთი საუკეთესო გუნდია."
"ჩამშლელ ნახევარმცველად დიდი ხანია რაც ვთამაშობ და მაქსიმალურად შევეცდები, ჩემი საუკეთესო თამაში ვაჩვენო."
"როდესაც საშუალება მექნება წინ წასვლის, მე ამას გავაკეთებ, მაგრამ გულშემატკივრებმა და თანაგუნდელებმა იციან, რომ ჩემი მთავარი ამოცანა ბალანსის დაცვაა. ვფიქრობ, რომ საკუთარი თამაშის გაუმჯობესება ჯერ კიდევ შემიძლია და აქ ამისთვის ვარ."
"ვფიქრობ, მე და პოგბა ერთად კარგად ვთამაშობთ, ერთმანეთს ვეხმარებით. წინა მატჩში ის შეტევაში არაჩვეულებრივად გამოიყურებოდა, თუმცა დაცვაშიც ბევრჯერ დამეხმარა. ის ყოველთვის ჩემს გვერდითაა და მოედანზე ჩვენ ყოველთვის დავიხარჯებით ერთმანეთისთვის. მასთან ერთად თამაში დიდი სიამოვნებაა."
"მანჩესტერ იუნაიტედში" თავს ძალიან კარგად ვგრძნობ და ვიმედოვნებ, რომ ამ კლუბში დიდი ხნით დავრჩები."