ინგლისური კლუბები ახალი ინიციატივით გამოდიან. "მანჩესტერ იუნაიტედი" და პრემიერ ლიგის დარჩენილი 19 კლუბი მონაწილეობას მიიღებენ გამოკითხვაში, უნდა შემცირდეს თუ არა სატრანსფერო ფანჯრის ხანგრძლივობა. მათ უნდა მიიღონ გადაწყვეტილება დაიხუროს თუ არა სატრანსფერო ფანჯარა სეზონის დაწყებამდე.
თუ კენჭისყრაში მონაწილე კლუბების 2/3 მიიღებს გადაწყვეტილებას, რომ სატრანსფერო ფანჯარა სეზონის დაწყებამდე დაიხუროს, მაშინ შესაძლოა, რომ ეს ცვლილებები უკვე შემდეგი სეზონიდან იქნას მიღებული. ინიციატივის მთავარი მოწინააღმდეგე "უოტფორდია", თუმცა როგორც Guardian იტყობინება უმრავლესი კლუბი ამ ინიციატივის მომხრეა.
გადაწყვეტილება რა თქმა უნდა ეხება მხოლოდ და მხოლოდ ინგლისის ჩემპიონატს, ანუ ინგლისურ კლუბებს ფეხბურთელის შეძენა მხოლოდ სეზონის დაწყებამდე შეეძლებათ, გაყიდვა კი ჩვეულებრივ 31 აგვისტომდე.