BBC-ის ექსპერტები მატჩს განიხილავენ.
ალან შირერი: "ეს იყო ჟოზე მოურინიოს საუკეთესო მატჩი "მანჩესტერ იუნაიტედის" მწვრთნელის რანგში. მათ მეტოქე ყველა კომპონენტში დაჯაბნეს. ამასთან ეს იყო ძალზედ კარგი და ლამაზი ფეხბურთი მათი შესრულებით.
ჯერმეინ ჯენასი: "მატიჩი დღეს მოედანზე საუკეთესო იყო. 87 შეხება, რომელიც მან ბურთთან განახორციელა. პოლ პოგბასთან ერთად ნახევარდაცვა ძალზედ დინამიური იყო. ორივე მათგანი დღეს ძალზედ კარგები იყვნენ. მათ თამაში იყო დინამიკა, ხარისხი, აგრესია. ის ჩამშლელი ნახევარმცველია, მაგრამ მან გვაჩვენა თუ რამდენად კარგია ის ბურთთან. აქვს აგრესია, ათავისუფლებს ზონებს, შეუძლია "ვესტ ჰემის" 4 ფეხბურთელის მოსატყუებლადაც წავიდეს, ეს ყველაფერი მის თავდაჯერებულობაზე მიუთითებს. გულშემატკივარს მოსწონდა ყველაფერი, რასაც ის აკეთებდა. ის მათი ერთ-ერთი საყვარელი ფეხბურთელი იქნება. რა თქმა უნდა მას ეხმარება მოურინიოსთან მუშაობის გამოცდილება, მაგრამ ამასთან ერთად ის ხომ უკვე დიდი ხანია რაც პრემიერ ლიგაში თამაშობს, ტექნიკა, პრესინგი, ენერგია, მას ყველაფერი შეაქვს "იუნაიტედის" თამაშში."
მატიჩის "თაჩმაპი"
პოგბას "თაჩმაპი"
ჯერმეინ ჯენასი: "მატიჩმა გაათავისუფლა პოგბა. პოგბა ახლა თავისუფლად გადაადგილდება მოედნის ამა თუ იმ ზონაში. უნდა აღინიშნოს ისიც, თუ როგორ კარგ გადაცემეს ანხორციელებს ნემანია. მატიჩი ცენტრში, წინ ლუკაკუ, მათ შორის კი პოგბა, არ არის ეს საშიში ? ეს სამი ფეხბურთელი მეტოქისთვის კოშმარის ტოლფასია.
ალან შირერი: "ლუკაკუს თამაში იყო ტოპ პერფორმანსი. აქ მე ვგულისხმობ აგრესიას მის თამაშში, იმ სიძლიერეს, რომელიც მას შემოაქვს და იმ დამატებით ოფციებს, რომლებსაც ის მის თანაგუნდელებს აძლევს. მთავარი ფორვარდისთვის გოლების გატანაა და მან დღეს ეს იდეალურად შეასრულა. მის წინააღმდეგ დღეს ორი ცენტრალური მცველი თამაშობდა, მაგრამ ეს მას არ აინტერესებდა, მან ორივე მათგანი მარტივად დაჩაგრა. ის სწორ მომენტებში ითხოვს ბურთს, რომ არა პაბლო ზაბალეტას იდეალური თამაში ის შეხვედრას 3 გოლით დაასრულებდა. ვინ ჰყავდა შარშან "იუნაიტედს" ? ზლატან იბრაჰიმოვიჩი, დიდი ფეხბურთელი, რომელიც უკვე კარიერის დასრულებისკენ მიდის, ვინ ჰყავს "იუნაიტედს" ახლა ? რომელუ ლუკაკუ, 24 წლის ფეხბურთელი, რომელიც პრემიერ ლიგაში უკვე 5 წელია რაც ასპარეზობს. მთავარი არის ის, რომ "იუნაიტედს" მისი სახით ჰყავს ფეხბურთელი, რომელიც კარიერის პიკში ჯერ არ ყოფილა, მას ძალიან დიდი მომავალი აქვს. მას გაჰქონდა გოლები "ვესტ ბრომვიჩში", "ევერტონში", ის მიაღწევს ახალ დონეს, ვფიქრობ ლუკაკუ 25-30 გოლს გაიტანს პრემიერ ლიგაში."
ჟოზე მოურინიოს მეორე სეზონი
საშუალოდ ჟოზე მოურინიო მეორე სეზონში 8 ქულით მეტს ღებულობს. გასულ სეზონში გუნდს 69 ქულა ჰქონდა, საკმარისი იქნება მათთვის 77 ქულა?
ალან შირერი: "ბოლო წლებში საშუალოდ ჩემპიონატს 87 ქულა იგებს. ახალ სეზონში მოურინიოს დაახლოებით 18 -ით მეტი ქულა დასჭირდება ჩემპიონობისთვის. ეს მერწმუნეთ ძალზედ დიდი მაჩვენებელია, მაგრამ არ უნდა დაგვავიწყდეს ის მატჩები, რომლებიც მათ გასულ სეზონში ფრედ დაასრულეს. ჩემი აზრით დღევანდელ "იუნაიტედს" ამ მატჩების მოგება შეუძლია და დიახ, ვფიქრობ რომ დამატებითი 18 ქულის მოპოვება მათთვის შეუძლებელი არ არის, ეს მიღწევადია. ამასთან ჯერ სატრანსფერო ფანჯარა არ დახურულა და მე არ გამიკვირდება, თუ ისინი ტოპ კლასის ფეხბურთელის დამატებას მოახერხებენ"