კვირას 19:00 საათზე "მანჩესტერ იუნაიტედი" პრემიერ ლიგის პირველ ტურში საკუთარ მოედანზე "ვესტ ჰემს" დაუპირისპირდება. მატჩამდე ჟოზე მოურინიო ჟურნალისტებს გაესაუბრა.

გუნდის მდგომარეობა

"სათამაშოდ ყველა მზადაა, გარდა იმ ფეხბურთელებისა, რომლებსაც გრძელვადიანი ტრავმები აწუხებთ. ოპტიმიზმის საბაბი გვაქვს, რადგანაც წინასასეზონო ტურნედან ყველა ჯანმრთელი დაბრუნდა და ყველა ფორმაშია. ყველა 22 მოთამაშე, პლუს გოლკიპერები, რომლებმაც წინასასეზონო ტურნეზე მონაწილეობა მიიღეს მატჩში მონაწილეობის მისაღებად მზად არიან."

საჩემპიონო ტიტული

"რას ნიშნავს ჩემთვის პრემიერ ლიგის ტიტული ? უბრალოდ ვფიქრობ, რომ ეს ყველა ტოპ კლუბის თუ მისი მენეჯერის მთავარი მიზანია."

შემადგენლობა

"3 ფეხბურთელი შევიძინეთ დაცვის, ნახევარდაცვის და ფორვარდის პოზიციაზე, მაგრამ სეზონის დასაწყისში ძალიან მნიშვნელოვანი ფეხბურთელები ვერ დაგვეხმარებიან. ჩვენ დავკარგეთ როხო,შოუ,იანგი და ზლატანი, გამომდინარე აქედან შეგვიძლია ვთქვათ, რომ ჩვენ ისეთივე სიტუაციაში ვიმყოფებით როგორშიც გასულ სეზონში ვიყავით. განსხვავება იმაშია, რომ ჩვენ უფრო მეტი გამოცდილება გვაქვს, ერთმანეთის უკეთესად გვესმის, გუნდი მეტად შეკრულია. ახლა ამ ფეხბურთელებს უფრო მეტი უნდა ენდოს, რადგანაც მათ მოიგეს რამდენიმე ტიტული, მოიგეს ევროპა ლიგა, დაბრუნდნენ ჩემპიონთა ლიგაზე, ასე რომ ამ გუნდისადმი გაიზარდა როგორც ნდობა, ისე მოლოდინი და მოტივაცია."

"ძალიან მიხარია, რომ პრემიერ ლიგა სულ მალე იწყება, რადგანაც მას ჩვენ ძალზედ კარგად მომზადებულნი ვხდებით. ჩვენ არაჩვეულებრივი, კარგად ორგანიზებული წინასასეზონო ტურნე გვქონდა, დავიწყეთ ტურნე MLS-ის გუნდებთან და დავასრულეთ ევროპის საუკეთესო გუნდებთან დაპირისპირებით. სეზონის დასაწყებად მზად ვართ."

ტიტულის მოპოვების შანსები

"რა თქმა უნდა ჩვენ შეგვიძლია ტიტულის მოგება. ევროპის ლიგა არ არის ჩემპიონთა ლიგა, მისი მოგება გაცილებით რთულია, მაგრამ ახლა ჩვენ უფრო მაღალი მოტივაცია გვაქვს. უდიდესი სამუშაოს გაწევა მიწევდა, რომ ფეხბურთელები ევროპა ლიგის მატჩებისთვის სრულ მზადყოფნაში მყოლოდა და მათთვის მაღალი მოტივაცია თუ კონცენტრაცია შემენარჩუნებინა. ახლა ეს უკვე პრობლემას აღარ წარმოადგენს, რადგანაც როცა შენ "რეალს", "ბარსას", "იუვენტუსს" ან ევროპის სხვა საუკეთესო კლუბებს უპირისპირდები იქ ფეხბურთელების მოტივაცია პრობლემას აღარ წარმოადგენს."

"რაც შეეხება პრემიერ ლიგას თქვენ ძალიან კარგად იცით თუ რა სიტუაციაა აქ, ტიტულის მოპოვებისთვის იბრძოლებს 7 გუნდი, ყოველ ტურში გამარჯვებას 20 ძალზედ კარგი და ძლიერი გუნდები შეეცდებიან, ამით განსხვავდება ჩვენი ჩემპიონატი სხვა ქვეყნის ჩემპიონატებისგან."

სატრანსფერო ფანჯარა

"თქვენ იცით, რომ დაახლოებით იანვრიდან მე უკვე ვამბობდი, რომ კიდევ 4 ფეხბურთელი გვჭირდებოდა. მერწმუნეთ მე გამგებიანი ადამიანი ვარ და არ ვარ ურთიერთობებში ისეთი რთული როგორც ეს გარედან მოჩანს. მე კარგად ვიცი დღევანდელი რეალობა, რეალობა სატრანსფერო ბაზრის თუ ფასების. გუნდმა სამუშაოს 75% შეასრულა, ეს იყო შესანიშნავი სამუშაო, რომელიც ხელმძღვანელებმა გასწიეს. მე არ დავიწყებ ტირილს, ყვირილს, რადგანაც ის რაც გუნდმა უკვე გააკეთა ეს ჩემთვის დამაკმაყოფილებელია."

"კმაყოფილი ვარ იმ სამუშაოთი, რაც მათ გასწიეს და თუ 31 აგვისტომდე ვერ მოხერხდება იმ დარჩენილი 25%-ის შესრულება მე უბრალოდ გავაგრძელებ იმ ფეხბურთელებით მუშაობას რომელიც ჩემ განკარგულებაში არიან და შევეცდები გავიმარჯვო ყველა იმ ტურნირზე, სადაც გუნდი მონაწილეობას იღებს."

ლინდელოფის უნივერსალიზმი

"25% ნიშნავს, რომ ჩვენ კიდევ 1 ფეხბურთელი გვინდა, მაგრამ გუნდში გვყავს მაგალითად ლინდელოფი, რომელსაც მცველის პოზიციის გარდა სხვა პოზიციებზეც შეუძლია თამაში. ვიქტორს შეუძლია ითამაშოს როგორც განაპირა ფლანგის მცველად, ასევე ჩამშლელ ნახევარმცველად. ასე რომ დაცვის და ნახევარდაცვის პრობლემა ჩვენთვის მოხსნილია. ახლა ჩვენ გვჭირდება ფეხბურთელი, რომელიც ფლანგის პრობლემებს მოაგვარებს წინ. თუ ჩვენ ვერ შევიძენთ კონკრეტულ ფეხბურთელს ამ პოზიციაზე, მაშინ ვენდობით იმ ფეხბურთელებს, რომლებიც ჩვენ განკარგულებაში არიან."

ზლატან იბრაჰიმოვიჩი

"თქვენ იცით, რომ ახლა ის ტრავმირებულია. მას სურს, რომ კვლავ მაღალ დონეზე ითამაშოს. ის ასევე ძალზედ უკმაყოფილოა იმით, თუ როგორ დასრულდა ყველაფერი გასულ სეზონში, მაგრამ ჩვენ მასთან მოლაპარაკებებს ვაწარმოებთ და მისი დაბრუნება შესაძლებელია."

წყარო:MANUTD.COM