ტიმოტი ფოსუ-მენსამ "მანჩესტერ იუნაიტედი" იჯარის წესით დატოვა.
კლუბის ოფიციალური საიტის თანახმად ჰოლანდიელი ფეხბურთელი ახალ სეზონს "კრისტალ პალასში" გაატარებს. "სელჰერსტ პარკზე" მისი გადაყვანის მთავარი ინიციატორი ფრანკ დე ბური გახლდათ, სწორედ მისი ხელმძღვანელობის დროს გამოჩნდა ფოსუ-მენსა "აიაქსის" აკადემიაში. ჰოლანდიელი სპეციალისტის განცხადებით ის მენსას ცენტრალურ მცველად მოიაზრებს.
გასულ ოქტომბერში ფეხბურთელმა ახალ კონტრაქტს მოაწერა ხელი, რომლის თანახმადაც ის "იუნაიტედში" 2020 წლამდე დარჩება. მისი განათხოვრება მხოლოდ და მხოლოდ იმითაა გამოწვეული, რომ მოურინიოს მისთვის რეგულარული სათამაშო პრაქტიკის მიღება სურს. ლონდონელებს არ აქვთ არანაირი გამოსყიდვის უფლება, იჯარის დროის გასვლის შემდეგ ფოსუ-მენსა კვლავ "ოლდ ტრაფორდზე" დაბრუნდება. 2016 წლის თებერვლის შემდეგ "იუნაიტედის" მაისურით ჰოლანდიელმა 21 შეხვედრა ჩაატარა.