"რეალ მადრიდი": ნავასი, კასილია, ლუკა, კარვახალი, ვალეხო, რამოსი, ვარანი, ნაჩო, მარსელო, ტეო, აშრაფი, კროოსი, მოდრიჩი, კაზემირო, ლიორენტე, ასენსიო, ისკო, კოვაჩიჩი, სებალიოსი, რონალდუ, ბენზემა, ბეილი, ლუკასი, მაიორალი.

"მანჩესტერ იუნაიტედი": დე ხეა, რომერო, პერეირა, ვალენსია, სმოლინგი, ლინდელოფი, დარმიანი, ბლინდი, ფოსუ-მენსა, ტუანზებე, ლინგარდი, ჰერერა, მატა, ფელაინი, პოგბა, მატიჩი, ქერიქი, მხითარიანი, მარსიალი, ლუკაკუ, რაშფორდი.



"რეალ მადრიდი" და "მანჩესტერ იუნაიტედი" ახალ სეზონს ოფიციალურად მაკედონიაში გახსნიან.

"მადრიდელებმა" რეკორდული მე-12 ჩემპიონთა ლიგის ტიტული კარდიფის "ნაციონალურ" სტადიონზე "იუვენტუსთან" (4-1) დაპირისპირებაში მოიგეს. მათ ბოლო 4 წელში მესამედ მოახერხეს ევროპის ყველაზე პრესტიჟული საკლუბო ტურნირის მოგება. "რეალი" გახდა პირველი კლუბი, რომელმაც ჩემპიონთა ლიგის ზედიზედ ორჯერ მოგება მოახერხა. "მილანთან" (1989 და 1990) ერთად "რეალი" ასევე არის კლუბი, რომელმაც ევროპის ყველაზე პრესტიჟული საკლუბო ტურნირის დაცვა მოახერხა.

კრიშტიანუ რონალდუ შესრულებული "დუბლის" წყალობით გახდა პირველი ფეხბურთელი, რომელმაც 3 ლიგის ფინალში მოახერხა გოლის გატანა. ხვალ პორტუგალიელი განაცხადშია და ითამაშებს.

24 მაისს სტოკჰოლმში ევროპა ლიგის ფინალში "მანჩესტერ იუნაიტედმა" "აიაქსს" ანგარიშით 2:0 სძლია. "იუნაიტედი" ამ გამარჯვებით გახდა მხოლოდ და მხოლოდ მე-5 კლუბი, რომელმაც შეძლო მოეგო სამივე ევროპული საკლუბო თასი. "აიაქსთან" გამარჯვებამდე "იუნაიტედს" 3-ჯერ (1968, 1999, 2008) ჰქონდა მოგებული ჩემპიონთა ლიგა და ერთხელ (1991) თასების მფლობელთა თასი.

სუპერ თასის შეხვედრა გაიმართება სკოპიეში. ეს იქნება პირველი ევროპული საკლუბო ტურნირის ფინალი, რომელსაც მაკედონია უმასპინძლებს.





ეს იქნება მე-6 შეხვედრა, რომელსაც "რეალი" სუპერ თასზე ჩაატარებს. პირველი 2 შეხვედრა მათ წააგეს, თუმცა ბოლო 3 შეხვედრაში გამარჯვება მოახერხეს.

1998: "რეალი" - "ჩელსი" 0:1
2000: "რეალი" - "გალათასარაი" 1:2
2002: "რეალი" - "ფეიენოორდი" 3:1
2014: "რეალი" - "სევილია" 2:0
2016: "რეალი" - "სევილია" 3:2 (დამატებით დროში)

გამარჯვების შემთხვევაში "რეალი" "მილანის" (1989 და 1990) შემდეგ იქნება მეორე კლუბი, რომელიც სუპერ თასის მოგებას ზედიზედ მეორედ მოახერხებს. ამასთან ისინი მოიპოვებენ მე-5 სუპერ თასს, მათზე მეტი მხოლოდ "მილანს" და "ბარსელონას" ექნება (5).

"რეალს" შეუძლია ესპანეთს მე-13 სუპერ თასი მოუტანოს. ეს იქნება რეკორდული მაჩვენებელი. მეორე ადგილზე იტალიაა 9 სუპერ თასით, მესამეზე კი ინგლისი 7 სუპერ თასით.



1991: "მანჩესტერ იუნაიტედი" - "ცრვენა ზვეზდა" 1:0
1999: "მანჩესტერ იუნაიტედი" - "ლაციო" 0:1
2008: "მანჩესტერ იუნაიტედი" - "ზენიტი" 1:2

2005 წლის შემდეგ ვერც ერთმა ინგლისურმა კლუბმა ვერ მოახერხა სუპერ თასის მოგება. 2005 წელს "ლივერპულმა" მოსკოვის "ცსკას" დამარცხება მოახერხა.



ეს იქნება მე-11 დაპირისპირება გუნდებს შორის. "რეალმა" 4 მატჩში შეძლო გამარჯვების მოპოვება, "იუნაიტედმა" კი 2 მატჩში, 4 მატჩიც ფრედ დასრულდა. მადრიდელებმა 20 გოლის გატანა მოახერხეს, ინგლისელებმა კი 16-ის.

"რეალი" "იუნაიტედს" ბოლო 5 ორმატჩიან დაპირისპირებაში 4-ჯერ ამარცხებს. ბოლო ოფიციალური შეხვედრა ამ გუნდებს შორის 2013 წლის ჩემპიონთა ლიგის 1/8 ფინალურ სტადიაზე გაიმართა. მაშინ ესპანელებს ჟოზე მოურინიო, "იუნაიტედს" კი სერ ალექს ფერგიუსონი ხელმძღვანელობდა. დაპირისპირება სკანდალური გამოდგა, განმეორებით მატჩში თურქმა მსაჯმა ლუიშ ნანის წითელი ბარათი უჩვენა რამაც დიდი გავლენა მოახდინა მატჩის მიმდინარეობაზე.

"რეალი" - "იუნაიტედი" 1:1 (უელბექი, რონალდუ)
"იუნაიტედი" - "რეალი" 1:2 (რამოსი (o.g), მოდრიჩი, რონალდუ)



შეხვედრას იტალიელი ჯანლუკა როკი განსჯის. ეს იქნება მე-4 მატჩი, როდესაც ის "იუნაიტედთან" იმსაჯებს. ბოლოს მან "ოლიმპიაკოსი" - "იუნაიტედი" 2:0 შეხვედრაში იმსაჯა. ევროპა ლიგის ფინალში ის მე-4 ოფიციალური მსაჯი გახლდათ. "ფიფას" რეფერი ოფიციალურად როკი 2008 წლიდანაა. ის მონაწილეობას იღებს იტალიის ჩემპიონატის თუ სათასო მატჩებში, ევროპულ საფეხბურთო ტურნირებზე და ა.შ. ბოლოს მან რუსეთში გამართულ კონფედერაციის თასზე გამართულ მატჩებში იმსაჯა.