ხვალინდელი ბოლო ამხანაგური მატჩის პრევიუ.
"მანჩესტერ იუნაიტედი" - "სამპდორია"
სტადიონი: "ავივა სტედიუმი" (დუბლინი, ირლანდია)
თარიღი: ოთხშაბათი, 2 აგვისტო, 2017 წელი
მატჩის დასაწყისი: 22:45 (თბილისის დროით)
ტრანსლაცია: MUTV, Матч ТВ, МАТЧ! Футбол 2
"მანჩესტერ იუნაიტედი"
ევროპაში დაბრუნებამდე "იუნაიტედმა" ამერიკაში 5 ამხანაგური მატჩი გამართა, მათგან 4 შეხვედრა მოიგო (Vs "გალაქსი" 5:2, Vs "რეალ სოლტ ლეიქი" 2:1, Vs "სიტი" 2:0, Vs "რეალი 1(2):1(1) , ხოლო ერთში კი მინიმალური სხვაობით დამარცხდა (Vs "ბარსელონა" 0:1).
ევროპაში დაბრუნების შემდეგ კი ისინი ნორვეგიას ესტუმრნენ. ოსლოში "ვალერენგას" წინააღმდეგ გამართულ მატჩში "იუნაიტედმა" ფელაინის,ლუკაკუსა და მაკტომინის გოლების წყალობით ანგარიშით 3:0 მოიგო.
დუბლინში "სამპდორიას" წინააღმდეგ "იუნაიტედი" მე-7 და ბოლო ამხანაგურ მატჩს ჩაატარებს მიმდინარე სეზონში. 6 დღის შემდეგ მათ პირველი ოფიციალური მატჩი ელოდებათ "რეალ მადრიდის" წინააღმდეგ. სერხიო რომერო მოედანზე გამოსვლის შემთხვევაში თავის ყოფილ გუნდს დაუპირისპირდება. მან იტალიელთა რიგებში 4 წელი გაატარა (2011-2015).
ეს არ იქნება პირველი მატჩი, რომელსაც "იუნაიტედი" "ავივა სტედიუმზე" ჩაატარებს. 7 წლის წინ 2010 წელს მათ "ირლანდიის ჩემპიონატის ვარსკვლავებს" მოუგეს ანგარიშით 7:1.
ჯერჯერობით უცნობია გაიყოლებს თან თუ რა მოურინიო თავის ახალ შენაძენს ნემანია მატიჩს. ამის შესახებ მაშინ გახდება ცნობილი, როცა გუნდი ხვალ ირლანდიაში გაემგზავრება.
"იუნაიტედის" სრული შემადგენლობა: დავიდ დე ხეა, სერხიო რომერო, ჯოელ პერეირა, ვიქტორ ლინდელოფი,კრის სმოლინგი, ფილ ჯონსი, ერიკ ბაიი, ანტონიო ვალენსია, მატეო დარმიანი, ლუკ შოუ, აქსელ ტუანზება, ტიმოტი ფოსუ-მენსა, დეილი ბლინდი, მიტჩელი, ეშლი იანგი, მაიქლ ქერიქი, მარუან ფელაინი, ანდერ ერერა, პოლ პოგბა, ჯესი ლინგარდი, ანდრეას პერეირა, მაქთომი, ხუან მატა, მარკუს რაშფორდი, ანტონი მარსიალი,ჰენრიხ მხითარიანი, რომელუ ლუკაკუ.
"სამპდორია"
"სამპდორია" ფეხბურთის და განსაკუთრებით იტალიური ფეხბურთის გულშემატკივრებისთვის უცხო გუნდი არ არის. გასული სეზონი მარკო ჯამპაოლოს ხელმძღვანელობით მათ მე-10 პოზიციაზე დაასრულეს.
კლუბი სამმა მთავარმა ფეხბურთელმა დატოვა. სკრინიარი მილანის "ინტერში" გადავიდა, ბრუნო ფერნანდესი "სპოტინგში", ხოლო მურიელი "სევილიაში". გაურკვეველია გუნდის კიდევ ერთი ძალზედ ნიჭიერი ფეხბურთელის პატრიკი შიკის ბედი. მიმდინარე სატრანსფერო ფანჯარაზე მათ ჯერჯერობით მურრუს, კაპრარის, კაპეცის და კოვნაცკის დამატება მოახერხეს.
"სამპდორიამ" აქამდე 4 ამხანაგური მატჩი ჩაატარა. "სელლეროს" წინააღმდეგ მათ ანგარიშით 11:0 იმარჯვეს, "ფერალპი სალოს" წინააღმდეგ კი 1:0, "კრემონეზე" 3:0 დაამარცხეს, ხოლო "ვერონასთან" მატჩში კი 1:0 დამარცხდნენ.
გუნდები აქამდე ჯერ არასდროს დაპირისპირებიან ერთმანეთს.