"მანჩესტერ იუნაიტედის" ყოფილი და გულშემატკივრების ერთ-ერთი ყველაზე საყვარელი ფეხბურთელი ხავიერ ერნანდესი უკვე "ვესტ ჰემის" ფეხბურთელია. "ჩაქუჩებმა" მექსიკელი გუშინ გააოფიციალურეს.

მოგეხსენებათ პრემიერ ლიგის პირველ ტურში "ვესტ ჰემი" სწორედ "მანჩესტერ იუნაიტედს" დაუპირისპირდება სტუმრად. ჩიჩარიტო პირველად დაბრუნდება "ოლდ ტრაფორდზე", თუმცა მას გულშემატკივარი ამჯერად სხვა გუნდის მაისურში იხილავს. მექსიკელს პრესკონფერენციაზე ჰკითხეს თუ რამდენად მნიშვნელოვანი იქნებოდა მისთვის იქ დაბრუნება, სადაც მან ძალზედ წარმატებული 4 წელი გაატარა.

"ოლდ ტრაფორდზე" დაბრუნება ჩემთვის ამაღელვებელი იქნება. ეს გამორჩეული მომენტი იქნება და მოხარული ვარ, რომ ახალ სეზონს სწორედ "ოლდ ტრაფორდზე" თამაშით დავიწყებ. ძალიან მინდოდა მსოფლიოს საუკეთესო ლიგაში დავბრუნებულიყავი. ჩვენი მთავარი მიზანი ევროტურნირებზე თამაშის უფლების მოპოვება იქნება."

წყარო:MANUTD.RU